Bilim granttaryn berý boıynsha konkýrs qorytyndylary - QR Bilim jáne ǵylym mınıstriligi

Memlekettik tapsyrystyń eleýli kólemi bilim mamandyqtaryna - 9375 oryn, sonyń ishinde syrttan oqytýǵa - 1000 oryn; tehnıkalyq mamandyqtarǵa - 11465 oryn jáne aýyl sharýashylyǵy mamandyqtaryna - 1730 oryn bólindi.

«Nazarbaev ýnıversıteti» talapkerlerin qabyldaý úshin maqsatty oryndar - 500 oryn (daıarlyq bólimi), Halyqaralyq aqparattyq tehnologııalar ýnıversıtetine - 300 oryn jáne Qazaqstan-Brıtan tehnıkalyq ýnıversıtetine - 200 oryn kózdeldi.

Ótken jylmen salystyrǵanda memlekettik tapsyrys kólemi 1085 bilim granttaryna ulǵaıtyldy.

Memlekettik tapsyrys kólemi «Áleýmettik pedagogıka jáne ózińdi taný» mamandyǵy boıynsha kadrlar daıarlaýǵa 300 bilim granty esebinen ulǵaıtyldy. Aýǵanstan Islam Respýblıkasyna Qazaqstan Respýblıkasy - EQYU jelisi boıynsha járdemdesý is-qımyl jospary aýqymynda oqytýǵa Aýǵanstannyń 200 azamaty qabyldanady; 25 grant - S.Amanjolov atyndaǵy Shyǵys Qazaqstan ýnıversıtetiniń Baıan-Ólgıı fılıalynda Mońǵolııa azamattary bolyp tabylatyn otandastarymyzdy oqytý úshin jáne 130 grant Qazaq ulttyq óner ýnıversıtetine berildi. «Nazarbaev ýnıversıtetine» alǵashqy qabyldaýdy júzege asyrý úshin 500 bilim granty bólindi.

Sondaı-aq joǵary oqý oryndaryna túsýde mynadaı kvotalar belgilendi:

• - Qazaqstan Respýblıkasynyń azamaty bolyp tabylmaıtyn qazaq ulty tulǵalary úshin bekitilgen memlekettik tapsyrystyń 2%-y;
• - І jáne ІІ toptardaǵy múgedekter, bala shaǵynan múgedekter, múgedek-balalar úshin - 0,5 paıyz;
• - ata-analarynyń qaraýynsyz qalǵan balalar men jetim balalar úshin - 1%;
• - jeńildikter men kepildikter boıynsha soǵys ardagerleri men soǵys múgedekterine teńestirilgender úshin - 0,5%.

Burynǵy jyldardaǵydaı, aýyl jastaryna aýyldyń áleýmettik-ekonomıkalyq damýyna qajetti mamandyqtar boıynsha ǵana 30% kvota belgilendi (Kásibı joǵary bilim baǵdarlamalaryn júzege asyratyn bilim uıymdaryna qabyldaýdyń úlgi erejelerinde mamandyqtar tizimi keltirilgen).

Joǵary oqý oryndaryna qabyldaý ulttyq biryńǵaı testileý nemese keshendi testileý qorytyndylary boıynsha júrgizildi.

Bilim granttaryn alý konkýrsyna 82607 talapker, sonyń ishinde, qazaq tilinde - 57828, orys tilinde 24779 talapker qatysty.

Olardyń arasynda UBT qatysýshylary - 71572 jáne keshendi testileýge qatysýshylar - 10502, halyqaralyq olımpıadalar men ǵylymı jarystar qatysýshylary - 533.

Konkýrsqa 2400 «Altyn belgi» tósbelgileriniń ıegeri, 1101 halyqaralyq, respýblıkalyq olımpıadalardyń, ǵylymı jarystardyń, oryndaýshylar konkýrstarynyń, sport jarystarynyń jeńimpazy qatysty.

Kúndizgi oqytý bólimderinde keıbir mamandyqtarǵa bir orynǵa eń úlken konkýrstar mynadaı boldy:

qazaq bólimi:

• 1. 5V090700 - «Kadastr» - 54,13;
• 2. 5V051000 - «Memlekettik jáne jergilikti basqarý» - 48,00;
• 3. 5V090300 - «Jerge ornalastyrý» - 46,00;
• 4. 5V030400 - «Keden isi» - 42,85;

orys bólimi:

• 1. 5V021000 - «Shetel fılologııasy: aǵylshyn tili» - 60,92;
• 2. 5V020900 - «Shyǵystaný» - 55,80;
• 4. 5V020700 - «Aýdarma isi» - 52,93;

Kúndizgi bólim boıynsha bir orynǵa eń az konkýrs bolǵan keıbir mamandyqtar mynalar boldy:

qazaq bólimi:

• 1. 5V021100 - «Dintaný» - 0,25;
• 2. 160906 - «Ushyrý apparattaryn synaý» - 0,56;
• 3. 080502 - «Mashına jasaý kásiporyndaryndaǵy ekonomıka men basqarý» - 0,75;

orys bólimi:

• 1. 5V011923 - «Shetel tili: 2 shetel tili (nemis tili)» - 0,32;
• 2. 5V011924 - «Shetel tili: 2 shetel tili (frantsýz tili)» - 0,40;
• 3. 5V021022 - «Shetel fılologııasy: frantsýz tili» - 1,67.

Konkýrs qorytyndysy boıynsha 31725 bilim granttary berildi, sonyń ishinde kúndizgi oqytý nysanyna 30725, syrttaı oqytýǵa - 1000.