Bilim - eń basty el baılyǵy
ASTANA. QazAqparat - Qazirgi naryqtyq pen shyndyq, bilim men mádenıet jańa tehnologııalardyń damýy, parasatty, sanaly, oı-túısikteri alǵyr, ekonomıkamyzdyń damýyn úzdik oılylyqpen basqaratyn jastardy tárbıeleýde.
Qazaqstan jedel damydy, ári tabysty 50 eldiń qatarynan sap túzedi. Ekonomıkalyq damýdyń ınnovatsııalyq ózegine aınalyp, jahandyq básekege qabylettiligin arttyrdy.
Álemdik daǵdarys, júrisi jyldam dáýir damyǵan alpaýyt elderdiń ózine teris yqpalyn tıgizýde. Osyndaı qıyn syn-saǵattarynda jumylyp, aýyz birshilik tanytýda - ál-Farabı atyndaǵy Qazaq ulttyq ýnıversıteti jan-jaqty jastarǵa sapaly bilim berýmen qatar, básekege qabiletti, ultjandy tulǵa qalyptastyrý jolynda aıryqsha bedelge ıe.
Ónimdi eńbek pen sapaly bilim, bıznes uǵymdaryn jete túsingen sanaly ultjandy mamandar daıyndaýda, ulttyq mádenıetimizdiń, ekonomıka, saıasat salalarynyń negizgi kilti - bilim.
Bilim - búkil álemde tulǵaly áleýmettik-ekonomıkalyq úderiske tıimdi qatysýyn qamtamasyz etetin negizgi faktor.
Memleket qurylysynda ıdeologııalyq salanyń qazirgi sátte aýadaı qajettigin ásirese bilim salasynda jastar arasyndaǵy ótpeli qıynshylyqtar men jańa qoǵamnyń ózgeristerin jete túsindirý maksatynda «Bolashaqqa baǵdar: rýhanı janǵyrý» atty maqalasynda Elbasymyz aıqyn da naqty joldardy nusqady. «Tabysty bolýdyń eń irgeli, basty faktory bilim ekenin árkim tereń túsinýi kerek. Jastarymyz basymdyq beretin mejelerdiń qatarynda bilim árdaıym birinshi orynda turýy shart. Sebebi, qundylyqtar júıesinde bilimdi bárinen bıik qoıatyn ult qana tabysqa jetedi» delingen.
Aıqyndap bergen joldaýlarmen baǵyt-baǵdarlardy negizge ala otyryp bilikti bilimniń kúshin naǵyz arenaǵa shyǵaryp, beldesip kórsetetin kez keledi.
Jahandanýdyń uıytqysy bolǵan aıdyndy bıznesterdiń qatarynda, jer álemniń túkpir - túkpirine jetken kompanııalardyń sanyn sanap aıta almaımyz. Bul jerde kompanııalardyń sanyn eseptep aıtpaq oıymyz joq. Kerisinshe, eńbek joldaryn, ónimdiligin, jetistikteri men kemshilikterin saralaı otyryp, ekonomıkalyq damýdyń, bıznespen jeke adamnyń eńbek resýrstarynyń jańa baǵyttaǵy tabysqa jetý joldarynyń úlgisin kórsetý.
Baıtaq álemge qanat jaıyp, jahandanýdyń uıytqysy bolǵan Japonııa, Koreıa, týǵyry tastaı Qytaı elderi qysqa merzimniń ishinde meılinshe asqaqtady. Halyqaralyq bıznes aýyl-úıdiń arasyndaǵy aıyrbas saýda emes. Kerisinshe, óz halqynyń muń-muqtajdaryn sezinip, qajettilikteri men múmkindikterin paıdalanyp, damytyp, órkenıetti el bolý maqsatymen ultynyń, Otanynyń abyroıyn asqaqtatady.
Osy tarapta eń aldymen, basty qadam - aǵylshyn tiline jetik jumysshy sherýin jasaqtaý.
Jergilikti bıznes álemdik deńgeıge shyǵý úshin, alys-jaqyn jurtpen aralasý úshin, aǵylshyn tiline basymdyq berip, ozyq úlgidegi tehnologııalardy tanýdyń saldarynan álemdik básekeles eldermen qatarlasa bastadyq. Jańa tehnologııanyń damýyn jedeldete tústik.
Bıikten úmiti bar el tek aǵylshyn tilimen ǵana zor bolamyz dese, qatelesedi. Basqaǵa uqsaımyn dep, óz bolmysyna, óz tiline, dinine, mádenıetine nuqsan keltirýi yqtımal.
Batysta týyp, Shyǵysta órken jaıǵan kompanııa bıznesteri, qaıta óz atamekenine shoǵyrlana bastady.
Osyny negizge ala otyryp, Japonııaǵa úzdiksiz qatynap, tamyrly kompanııalardyń menedjmentin jańa arnaǵa túsirgen amerıkandyq oqymysty Pıter Drýker: «Menedjment ár túrli adamdardy ortaq joba aıasynda uıystyrýǵa jaýap beretindikten halyqtyń mádenı qundylyqtarymen bite qaınasýy tıis» - deıdi.
Elbasynyń «Bolashaqqa baǵdar: Rýhanı jańǵyrtý» maqalasynda halyqtyń mádenı qundylyqtaryn ata dástúrge beıimdeý - negizgi qaǵıda.
Zaman myń qubylsa da, mádenı qundylyqtarymyz ózgermeıtin qaǵıda - óz Otandyq rýhanı baılyqtyń kózin ashyp, bulaǵynan sýsyndap órkendeýi.
Al el jastarynyń mindeti -qazirgi zamanǵy ınnovatsııalyq ınfraqurylym jasaqtalǵan jobalardy júzege asyrý jolynda aqyl-oı, bilim kúshin aıamaı, el ıgiligi úshin eńbek etý.
