Bilim deńgeıi álemdik talaptarǵa saı bolýy kerek - Tımýr Nurkeshov
Buǵan deıingi Elbasynyń Qazaqstan halqyna arnaǵan Joldaýlarynda, arnaýlymaqalalarynda bilimniń saltanat qurýy, adamı kapıtaldyń sapasyn arttyrýmáselesi týraly atap kórsetilgeni belgili. Bıylǵy Joldaýda elimizdiń barlyqjalpy bilim beretin mektepterinde jańartylǵan bilim berý mazmunyna kóshýjumystaryn jalǵastyrý, pedagog kadrlardyń biliktiligin arttyrý, jastardy jańatehnologııalyq qalypqa daıyndaý, tsıfrlyq bilim berý resýrstaryn damytý, qazaq,orys jáne aǵylshyn tilderin meńgerýdi júıelendirý, oqýshylardyń ǵylymı-zertteý daǵdylaryndamytýǵa jaǵdaı týǵyzý sekildi tapsyrmalary berildi. Munyń bári qazirgi álemdikbilim berý salasyndaǵy basty talaptardan týyndap otyr.
«Oraldaǵy Nazarbaev zııatkerlik mektebi óńirdegi mektepterge ózinińtájirıbesin taratý, pedagog kadrlarǵa oqý-ádistemelik qoldaý kórsetý,tájirıbeli muǵalimderdiń úzdik beınesabaqtaryn, ádistemelik kómekshi oqýquraldaryn daıyndaý jáne ony qoljetimdi túrde taratý jumystaryn jalǵastyra beredi. Atap aıtqanda, qazirelimizdiń barlyq muǵalimderi qoldanyp otyrǵan smk.edu.kz oqý-ádistemelikportalyna pedagogtarymyz da sabaq josparlaryn, ádistemelik quraldaryn salýda. Qazirgi tańda mektebimiz oblystyq bilimbasqarmasymen birlesken jumys jospary negizinde tájirıbe taratý jumystarynkeshendi júrgizýde» , - dedi Tımýr Seıitqajyuly.
Onyń aıtýynsha oqý jylynyń basynda mekteptiń pedagogıkalyq quramy barlyq aýdandarda «Jańartylǵan mazmundaǵy oqý baǵdarlamasy» boıynsha semınarlar ótkizip, oǵan 1200-den astam muǵalim qatysypty.
«Ótken jyly bastalǵan mektep basshylarynyń bilim ordalaryn tıimdi ári tabysty basqarýyna qoldaý kórsetý maqsatyndaǵy bes kúndik taǵylymdama jalǵasa bermek. Qazirge deıin qyryqtan astam mektep basshysy osy taǵylymdamadan ótti. Elbasy Joldaýynda aıtylǵan maqsat-mindetterdi oryndaý baǵytynda mundaı jumystar aldaǵy ýaqytta da jasalatyn bolady», - dedi ol.
