Bilim berýge salynatyn ınvestıtsııa Qazaqstannyń básekege qabilettiligin arttyrady
ASTANA. 18 maýsym. QazAqparat - Djons Hopkıns ýnıversıteti talantty jastarǵa arnalǵan Ortalyq keńesiniń múshesi Mın Djek Po pm.kz saıtyna bergen suhbatynda Qazaqstandaǵy orta bilimdi damytýdyń bolashaǵy týraly óziniń saraptamalyq pikirin ortaǵa saldy.
«Bilim berýge salynatyn ınvestıtsııa adam kapıtaly turǵysynan Qazaqstannyń básekelestikke qabilettiligin arttyrady, al 10 jyldan keıin onyń nátıjesi ekonomıkaǵa da oń yqpalyn tıgizedi», - dedi Mın Djek Po.
Qazirgi tańda elimizde naqty ǵylymdar, matematıka salalary boıynsha jaqsy bilim berýge erekshe nazar bólinip otyr. 2008 jyly Qazaqstan alǵash ret halyqaralyq bilim berý júıesin baǵalaıtyn PISA (Programme for International Student Assessment) jobasyna qatysty, bul respýblıkamyzdyń ǵylymı-bilim berý salasynda joǵary ustanymdarǵa ıe ekenin kórsetti.
«Matematıka jáne jaratylystaný ǵylymdarynyń damýy úlken mańyzǵa ıe. Eger osy salalardaǵy bilim jaqsarsa, oqýshylar men ustazdardyń nátıjege qol jetkizgenin kórýge bolady», - dedi Djons Hopkıns ýnıversıtetiniń ókili.
