Bilim berýdiń memlekettik jalpyǵa mindetti bilim berý standarttaryna ózgerister men tolyqtyrýlar engizildi

Bul týraly resmı BAQ habarlady.

Qazaqstan Respýblıkasy Úkimetiniń qaýlysy

2015 jylǵy 25 sáýir № 327 Astana, Úkimet Úıi

«Bilim berýdiń tıisti deńgeıleriniń memlekettik jalpyǵa mindetti bilim berý standarttaryn bekitý týraly» Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysyna ózgerister men tolyqtyrýlar engizý týraly

Qazaqstan Respýblıkasynyń Úkimeti qaýly etedi:

1.«Bilim berýdiń tıisti deńgeıleriniń memlekettik jalpyǵa mindetti bilim berý standarttaryn bekitý týraly» Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysyna (Qazaqstan Respýblıkasynyń PÚAJ-y, 2012 j., № 67, 958-qujat) mynadaı ózgerister men tolyqtyrýlar engizilsin:

1-tarmaq mynadaı mazmundaǵy 2-1) tarmaqshamen tolyqtyrylsyn:

«2-1) bastaýysh bilim berýdiń memlekettik jalpyǵa mindetti standarty;»;

kórsetilgen qaýlymen bekitilgen Orta bilim berýdiń (bastaýysh, negizgi orta, jalpy orta bilim berý) memlekettik jalpyǵa mindetti standartynda:

25, 26-tarmaqtar mynadaı redaktsııada jazylsyn:

«25. «Ómir qaýipsizdiginiń negizderi» oqý kýrsynyń mazmunyn 2-4 synyptarda dúnıetaný oqý kýrsynyń sheńberinde: jyldyq oqý júktemesi 2-3-synyptarda 6 saǵattan, 4-synypta 10 saǵattan bastaýysh synyp muǵalimderi iske asyrady; 5-9-synyptarda «Dene shynyqtyrý» oqý kýrsynyń sheńberinde 15 saǵattyq jyldyq oqý júktemesimen dene shynyqtyrý muǵalimi iske asyrady; 10-11-synyptarda «Alǵashqy áskerı daıyndyq» oqý kýrsynyń aıasynda 25 saǵattyq jyldyq oqý júktemesimen alǵashqy áskerı daıyndyq pániniń oqytýshy-uıymdastyrýshylary iske asyrady. Ómir qaýipsizdiginiń negizderin oqytý sabaqtary mindetti bolyp tabylady jáne oqý ýaqytynda júrgiziledi.

26. «Jolda júrý erejeleri» oqý kýrsynyń mazmuny 2-4-synyptarda mynadaı oqý kýrstarynyń sheńberinde iske asyrylady: «Ana tili», «Mýzyka», «Beıneleý óneri», «Tehnologııa»; 5-8-synyptarda sabaqtan tys ýaqytta, synyp saǵattary men fakýltatıvter esebinen iske asyrylady.»;

35, 36, 37-tarmaqtar mynadaı redaktsııada jazylsyn:

«35. Oqý jylynyń uzaqtyǵy 2-11-synyptarda 34 oqý aptasyn quraıdy.

36. Bilim alýshylardyń aptalyq oqý júktemesiniń eń joǵary kólemi synyptaǵy jáne synyptan tys (fakýltatıvti, jeke jáne úıirme sabaqtary) oqý jumystarynyń barlyq túrlerin qosa alǵanda, 2-synypta - 25 saǵattan, 3-synypta - 29 saǵattan, 4-synypta - 29 saǵattan, 5-synypta - 32 saǵattan, 6-synypta - 33 saǵattan, 7-synypta - 34 saǵattan, 8-synypta - 36 saǵattan, 9-synypta - 38 saǵattan, 10-synypta - 39 saǵattan, 11-synypta - 39 saǵattan aspaýy tıis.

37. Oqý jylynda 2-11-synyptardaǵy kanıkýl ýaqytynyń uzaqtyǵy keminde 30 kúndi quraıdy. Oqý jyly ishinde 3 ret kanıkýl beriledi: kúzde, qysta jáne kóktemde. Kanıkýldyń naqty merzimin Qazaqstan Respýblıkasynyń bilim salasyndaǵy ýákiletti organy belgileıdi.»;

48-tarmaq mynadaı redaktsııada jazylsyn:

«48. Pándik nátıjeler 2-4-synyptarda bazalyq deńgeıde, keıingi synyptarda úsh deńgeıde: bazalyq (mindetti) deńgeıde, jetik múmkindik deńgeıinde 5-11-synyptarda (belgili bir pándi tańdaý kezinde 1 saǵat kóleminde varıatıvtik komponentti ıgerý úshin) jáne jetik beıinaldy deńgeıde 8-9-synyptarda/jetik beıindik deńgeıde 10-11-synyptarda (jalpy orta bilim beretin uıymdar tańdaǵan pánderdi tereńdetip oqýǵa arnalǵan úlgilik oqý josparlarynyń nusqalaryn ıgerý úshin) belgilenedi.»;

65-tarmaq mynadaı redaktsııada jazylsyn:

«65. Synypty eki topqa bólý qalalyq jalpy orta bilim beretin uıymdarda synyptarda bilim alýshylar 24-ke nemese odan artyq, aýyldyq jerlerde bilim alýshylar 20-ǵa nemese odan artyq, shaǵyn jınaqty mektepterde keminde 10-ǵa tolǵan jaǵdaıda:

1) oqytý qazaq tilinde júrgizilmeıtin 2-11-synyptarda qazaq tili boıynsha;

2) oqytý qazaq tilinde júrgizilmeıtin 5-11-synyptarda qazaq ádebıeti boıynsha;

3) oqytý qazaq, uıǵyr, tájik jáne ózbek tilderinde júrgiziletin 3-11-synyptarda orys tili boıynsha;

4) 2-11-synyptarda shetel tili boıynsha;

5) 5-11-synyptarda ınformatıka boıynsha;

6) Beıindi pánder boıynsha;

7) 5-11-synyptarda tehnologııa boıynsha (synyp tolymdylyǵyna qaramastan uldar men qyzdar toptary);

8) 5-11 synyptarda dene shynyqtyrý boıynsha sabaqtardy júrgizý kezinde júzege asyrylady.»;

kórsetilgen qaýly osy qaýlyǵa qosymshaǵa sáıkes qosymshamen (budan ári - qosymsha) tolyqtyrylsyn.

2.Osy qaýly 2017 jylǵy 1 qyrkúıekten bastap qoldanysqa engiziletin qosymshanyń 10-tarmaǵynyń 2) tarmaqshasyn, 2018 jylǵy 1 qyrkúıekten bastap qoldanysqa engiziletin qosymshanyń 10-tarmaǵynyń 3) tarmaqshasyn, 2019 jylǵy 1 qyrkúıekten bastap qoldanysqa engiziletin 10-tarmaǵynyń 4) tarmaqshasyn qospaǵanda, 2016 jylǵy 1 qyrkúıekten bastap qoldanysqa engiziledi jáne resmı jarııalanýǵa tıis.

Qazaqstan Respýblıkasynyń Premer-Mınıstri K.MÁSІMOV