Bilim berýdi damytýdyń 2011-2020 jyldarǵa arnalǵan memlekettik baǵdarlamasynda joǵary bilim berý júıesin jetildirýge erekshe kóńil bólingen - Bilim jáne ǵylym mınıstri
ATY. 22 sáýir. QazAqparat /Názıra Eleýhan/ - Búgin Almatyda «Qazaqstan Respýblıkasynda medıtsınalyq termınologııany qalyptastyrý jáne damytý joldary» atty ǵylymı-tájirıbelik konferentsııa bolyp ótti.
Onyń jumysyna Ulttyq QR Ulttyq ýnıversıtetteriniń rektorlary, respýblıkalyq ǵylymı-zertteý ınstıtýttarynyń dırektorlary, QR Ǵylym akademııasynyń akademıkteri qatysty. Atalmysh sharaǵa QR Bilim jáne ǵylym mınıstri Baqytjan Jumaǵulov arnaıy qatysyp, Bilim jáne ǵylym mınıstrliginde atqarylyp jatqan jumystar men osy salanyń keleshegi týraly keńinen toqtaldy.
«Memleket basshysy N.Á.Nazarbaevtyń Jarlyǵymen Bilim berýdi damytýdyń 2011-2020 jyldarǵa arnalǵan memlekettik baǵdarlamasy qabyldandy. Bul baǵdarlama burynǵy qujattardan mazmuny jáne alǵa qoıylǵan maqsattary jaǵynan múlde ózgeshe. Úkimet baǵdarlamanyń 1-kezeńin iske asyrý úshin 2011-2015 jyldarǵa arnalǵan is-sharalar josparyn bekitti. Bıýdjettiń qazirgi mólsherine qosymsha, alǵashqy 5 jylǵa, ıaǵnı 2011-2015 jyldarǵa jarty trıllıon teńgege jýyq qarajat qarastyrylǵan. Bilim sapasyn arttyrý úshin Memlekettik baǵdarlamada kóptegen mindetter júktelgen. Bul - mektepke deıingi tárbıemen 100% qamtý jáne e-learning elektrondy oqytý júıesin tolyq meńgerý. Orta mektepte 12 jyldyq oqytýǵa kóshý jáne pedagog mártebesin arttyrý máselesi muǵalimder korpýsyn ǵana emes, joǵary bilimge deıingi barlyq deńgeılerdi qamtıdy. Tehnıkalyq jáne kásiptik bilim berýdiń jańa modelin engizý jáne taǵy basqa kóptegen máseleler qarastyrylǵan», - dedi mınıstr.
Onyń aıtýynsha, Memlekettik baǵdarlamada joǵary bilim berý júıesin jetildirýge erekshe kóńil bólingen. «Bul jerde negizgi salmaq mamandardy daıarlaý sapasyn arttyrýǵa túsedi. Sany kóp, sapasy joq oqý oryndarynda mamandar daıarlaý deńgeıi óte tómen. Búginde keıbir «múıizi qaraǵaıdaı» ýnıversıtetter men akademııalardyń shyn máninde sol atqa laıyqsyz ekenin barshalaryńyz jaqsy bilesizder. Budan bylaı joǵary oqý oryndaryn jikteýdiń jańa tetigi engiziledi, olar: Ulttyq zertteý ýnıversıtetteri; Ulttyq joǵary oqý oryndary; Zertteý ýnıversıtetteri; Ýnıversıtetter; Akademııalar; Instıtýttar. Halyqaralyq tájirıbe negizinde jańa jikteýdiń árbir deńgeıi úshin álemdik praktıkaǵa saı qatań ólshemder ázirlenýde. Endi osy ólshemderge sáıkes kelmeıtin joǵary oqý oryndary ózderi qorytyndy jasap, ári qaraı jumystaryn toqtatýyn zańdy dep bilemiz. ıAǵnı, joǵary oqý oryndary kúshtep qysqartylmaıdy, tek sapasyna qaraı toptalady. Osylaısha, joǵary bilim júıesin rettep, mamandar daıarlaý sapasyn arttyrýǵa múmkindik týady», - dedi QR Bilim jáne ǵylym mınıstri Baqytjan Jumaǵulov.
Onyń aıtýynsha, endi - «Zertteý ýnıversıtetteri» qoldanysqa engizilmek. Ol oqý oryndary bilim berýmen qatar, ǵylymı zertteýlerge erekshe kóńil bóletin bolady.
