Bilim berý júıesin ózgertý kerek pe
ASTANA. QazAqparat - Smartfon balanyń este saqtaý qabiletine de, aqparatty qabyldaýyna da áser etetini belgili. Biraq osyndaı ózgeristerge oraı bilim berý júıesi ózgeristerdi qajet ete me? VVS basylymy osy suraqqa jaýap izdep kóripti.
«Qazirgi oqýshylardyń problemasy - olar smartfondaǵy qosymshalarǵa úırenip alǵany sonsha, jan-jaqtaryna eleńdep otyratyn bolǵan. 10 - 24 jas aralyǵyndaǵy Z urpaq pen 0 - 9 jas aralyǵyndaǵy Alfa urpaq týa sala tehnologııalarmen etene jaqyn ósti. Bul dástúrli bilim júıesiniń jańa zamanǵa beıimdelý kerektigin kórsetse kerek», dep jazady basylym.
Avtordyń pikirinshe, mıdyń erte damýy sońǵy birneshe jylda óte kóp zerttelgen taqyrypqa aınalǵan. Onyń ishinde smartfonnyń balanyń mıyna áseri týraly zertteýler óte kóp.
«Tehnologııa, áleýmettik jeli, Internetke qosylýdyń ońaı qoljetimdiligi men smartfondar balalardyń keıbir qabiletterine keri áser etetinin kóptegen zertteýler kórsetti. Balalardyń oılaý júıesi de, mıdyń damýy da ózgerdi. Bul jaǵdaıdy ustazdar da baıqap otyr», dep jazady avtor.
«Bul - úlken problema. Mysaly, 12-14 jastaǵy balalar sabaq ústinde tek 28 sekýnd tynysh otyra alady», depti Fıladelfııa mektepteriniń birinde sabaq beretin Laýra Shad.
Ustazdardyń aıtýynsha, qazir oqýshylar ish pystyratyn uzaq mátinderdi oqyp otyrǵysy kelmeıdi.
«Dástúrli bilim berý júıesin ózgertý kerek pe degen suraqty qazir óte jıi estýge bolady. Degenmen, kóp mamandar aralas sabaq túrin usynady. ıAǵnı, joǵary tehnologııany dástúrli bilim berý tásilderimen aralastyrý. Bastysy, ustazben baılanystyń quny tómendegen joq. Sol sebepti ustazdar ózderin damytyp, únemi bilimderin jetildirip otyrýy tıis», deıdi avtor.
