Bilim berý jınaqtaý salymdary budan bylaı óndirip alýǵa jatpaıdy -BǴM
ASTANA. QazAqparat - 10 qyrkúıeginde «Tólemder jáne tólem júıeleri týraly» Zań kúshine endi. Oǵan sáıkes Bilim berý jınaqtaý salymdary budan bylaı óndirip alýǵa jatpaıdy, dep habarlaıdy primeminister.kz.
Eske salsaq, Memlekettik bilim berý jınaqtaý júıesi aıasynda Qazaqstan Respýblıkasynyń azamattary bolashaqta kásiptik, joǵary jáne joǵary oqý orynnan keıingi bilim alý úshin oqýdyń aqysyn tóleýge jumsaýǵa bolatyn uzaq merzimdi salym asha alady.
«Bul salymǵa bankten syıaqy (14%) jáne jyl saıyn memleketten syılyqaqy (5-7%) esepteledi. Memleket syılyqaqasynyń mólsheri - jyldyq 5%, basymdylyqty sanattaǵy balalar: jetim balalar, múgedek balalar, az qamsyzdandyrylǵan, kópbalaly otbasylardaǵy balalar úshin - jyldyq 7%», - dep naqtylady QR Bilim jáne ǵylym mınıstrliginde.
Vedomstvonyń málimetinshe, bala memlekettik bilim grantyna ıe bolǵan jaǵdaıda barlyq jınaqtalǵan qarajat tolyǵymen salymshynyń ıeligine ótedi.
