Bilim berý uıymdaryndaǵy psıhologterdi daıarlaý sapasyn arttyrý qajet - Marat Ahmetjanov
«Byltyr polıtsııa tarapynan 3 195 bilim berý obektilerinde buzýshylyqtar anyqtaldy. Olardy joıý boıynsha nusqamalar engizildi. Oqý-aǵartý mınıstri jáne ákimdiktermen birlesken keńester ótkizildi. Naqty nusqaýlar berildi. Taǵy da bir tótenshe jaǵdaıdyń bolýyn kútip otyra almaımyz! Sondyqtan, sheshimderdiń oryndalýyna qatań baqylaý ornatýdy usynamyz. Qazirgi ýaqytta obektilerde tekserý áli de jalǵasýda. Biraq, onyń aıaqtalýyn kútpeı, Oqý-aǵartý mınıstrligi jáne ákimdikterge, kelesi tapsyrmalar berýdi suraımyz. Birinshiden, qysqa ýaqytta mektepterdi qaýipsizdik júıelermen jabdyqtaý jáne kemshilikterdi joıý boıynsha jumystardy aıaqtaý qajet. Ekinshiden, tótenshe jaǵdaı boıynsha oqý-jattyǵý sabaqtaryn ótkizý kerek. Úshinshiden, bilim berý uıymdaryndaǵy psıhologterdi daıarlaý sapasyn arttyrý qajet», - dedi mınıstr.
Onyń atap ótýinshe, sheteldik tájirıbe kórsetkendeı, mektepterde oqýshylar kemsitýge jáne qorlaýǵa qurdastary tarapynan ushyraıdy.
«Osyndaı balalardy erte anyqtaý ádistemesin jasaý jáne olarmen jeke jumys júrgizýdi pysyqtaý qajet. Bul sharalar bilim berý uıymdarynda qaýipsizdik deńgeıin arttyrýǵa múmkindik beredi dep esepteımiz», - dedi Marat Ahmetjanov.
