Bilim berý uıymdarynda barlyǵy maska taǵýǵa mindetti – Ashat Aımaǵambetov

NUR-SULTAN. QazAqparat – Barlyq bilim berý uıymdarynda qyzmetkerler men bilim alýshylarǵa maska kııý mindetti. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Jańa oqý jylynda oqýshylardyń qaýipsizdigin qamtamasyz etý jáne densaýlyǵyn saqtaý úshin arnaıy sanıtarlyq is-sharalar qabyldanady. Barlyq mektepter, kolledjder men ýnıversıtetterdegi qyzmetkerler men bilim alýshylarǵa maska kııýge mindetti bolady. Barlyq bilim berý uıymdarynda kúndelikti termometrııa, jeldetý, kvartsteý, dezınfektsııalaý is-sharalary júrgiziletin bolady», - dedi Ashat Aımaǵambetov.

Onyń atap ótýinshe, stýdentter, pedagogtar men basqa da qyzmetkerler ǵımaratqa «Ashyq» júıesi arqyly kirgiziledi.