Bilim berý uıymdaryna qujat qabyldaý onlaın júrgizilip jatyr

NUR-SULTAN. QazAqparat - Bilim berý uıymdaryna qujattardy qabyldaý Egov.kz «elektrondy úkimet» portaly arqyly onlaın júzege asyrylyp jatyr, dep habarlaıdy QazAqparat QR Bilim jáni ǵylym mınıstrligine silteme jasap.

1-synypqa qujattar 1 tamyzǵa deıin qabyldanady. Ótinish bir jumys kúni ishinde qarastyrylady. Qujattar mekteptiń qyzmet kórsetý aýmaǵynan alǵashqy 3 ótinish berýshiden, odan keıin basqa shaǵyn ýchaskeden 1 ótinish berýshiden (3:1 qaǵıdaty boıynsha) qabyldanady.

20 maýsym men 25 tamyz aralyǵynda kolledjderge qujattar qabyldanady. Bıyl qabyldaý emtıhandary ótkizilmeıdi, konkýrs attestattyń mindetti jáne beıindi pánderiniń jıyntyq baly boıynsha júrgiziledi. Pedagogıkalyq, medıtsınalyq jáne shyǵarmashylyq mamandyqtar úshin arnaıy konkýrstar ótkiziledi.

13-20 shilde aralyǵynda memlekettik bilim granttary konkýrsyna qujattardy qabyldaý bastalady.

Medıtsınalyq anyqtamalardy alý boıynsha týyndap jatqan qıyndyqtarǵa baılanysty, medıtsınalyq anyqtamalardy keıin, oqý jyly bastalǵanǵa deıin ótkizýge ruqsat etildi.