Bilim berý uıymdaryn memlekettik attestattaý erejesine ózgerister engizildi - Úkimet qaýlysy

***

Qazaqstan Respýblıkasy Úkimetiniń qaýlysy

«Bilim berý uıymdaryn memlekettik attestattaý erejesin bekitý týraly» Qazaqstan Respýblıkasy Úkimetiniń 2007 jylǵy 24 jeltoqsandaǵy № 1270 qaýlysyna ózgeris engizý týraly

Qazaqstan Respýblıkasynyń Úkimeti qaýly etedi:

1. «Bilim berý uıymdaryn memlekettik attestattaý erejesin bekitý týraly» Qazaqstan Respýblıkasy Úkimetiniń 2007 jylǵy 24 jeltoqsandaǵy № 1270 qaýlysyna (Qazaqstan Respýblıkasynyń PÚAJ-y, 2007 j., № 47, 582-qujat) mynadaı ózgeris engizilsin:

kórsetilgen qaýlymen bekitilgen Bilim berý uıymdaryn memlekettik attestattaý erejesi osy qaýlyǵa qosymshaǵa sáıkes jańa redaktsııada jazylsyn.

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqtan Respýblıkasynyń Premer-Mınıstri S. AHMETOV.

Qazaqstan Respýblıkasy Úkimetiniń 2013 jylǵy 19 maýsymdaǵy № 635 qaýlysyna qosymsha

Qazaqstan Respýblıkasy Úkimetiniń 2007 jylǵy 24 jeltoqsandaǵy № 1270 qaýlysymen bekitilgen

Bilim berý uıymdaryn memlekettik attestattaý erejesi

1. Jalpy erejeler

1. Osy Bilim berý uıymdaryn memlekettik attestattaý erejesi (budan ári - Ereje) «Bilim týraly» 2007 jylǵy 27 shildedegi Qazaqstan Respýblıkasynyń Zańyna sáıkes ázirlengen jáne bilim berý uıymdaryn memlekettik attestattaýdy uıymdastyrý men ótkizý tártibin belgileıdi.

2. Bilim berý uıymdaryn memlekettik attestattaý bilim berý uıymdary kórsetetin bilim berý qyzmetteriniń memlekettik jalpyǵa mindetti bilim berý standartynyń talaptaryna sáıkestigin baqylaýdy júzege asyrý maqsatynda ótkiziledi.

3. Vedomstvolyq baǵynystylyǵy men menshik nysandaryna qaramastan: mektepke deıingi tárbıeleý men oqytýdyń; bastaýysh, negizgi orta jáne jalpy orta bilim berýdiń; arnaıy jáne mamandandyrylǵan bilim berýdiń; balalarǵa arnalǵan qosymsha bilim berýdiń; sport boıynsha balalar men jasóspirimderge arnalǵan qosymsha bilim berýdiń; tehnıkalyq jáne kásiptik, orta bilimnen keıingi bilim berýdiń; joǵary jáne joǵary oqý ornynan keıingi bilim berýdiń (medıtsınalyq jáne farmatsevtıkalyq bilim berýdi qospaǵanda) oqý baǵdarlamalaryn iske asyratyn bilim berý uıymdaryn memlekettik attestattaýdy bilim berý salasyndaǵy ýákiletti organ júzege asyrady.

Medıtsınalyq jáne farmatsevtıkalyq bilim berý uıymdaryn memlekettik attestattaýdy densaýlyq saqtaý salasyndaǵy ýákiletti organ júzege asyrady.

4. Bilim berý uıymdaryn memlekettik attestattaýdy bilim berý nemese densaýlyq saqtaý salasyndaǵy ýákiletti organ (budan ári - ýákiletti organ) óz quzyreti sheginde josparly túrde bes jylda bir ret ótkizedi.

Akkredıtteý organdarynyń, akkredıttelgen bilim berý uıymdary men bilim beretin oqý baǵdarlamalarynyń tizilimine engizilgen akkredıtteý organdarynda ınstıtýtsıonaldyq jáne mamandandyrylǵan akkredıtteýden ótken bilim berý uıymdary akkredıtteý merzimine, biraq 5 jyldan aspaıtyn merzimge akkredıttelgen bilim beretin oqý baǵdarlamalary (mamandyqtar) boıynsha memlekettik attestattaý rásiminen bosatylady.

5. Memlekettik attestattaý mynadaı negizgi kezeńderden turady:

1) ýákiletti organnyń bilim berý uıymdaryn memlekettik attestattaý kestelerin kúntizbelik jylǵa bekitýi;

2) tıisti ýákiletti organnyń bilim berý uıymynyń ózin-ózi baǵalaý materıaldaryn (bilim berý sapasyn ishki baǵalaý) taldaýdy júzege asyrýy, attestattaý komıssııasyn qalyptastyrý, memlekettik attestattaýdy ótkizý, memlekettik attestattaýdyń qorytyndylary týraly tujyrym jasaý;

3) ýákiletti organnyń bilim berý uıymyn attestattaý nemese attestattamaý týraly sheshim qabyldaýy.

6. Bilim berý uıymdarynyń memlekettik jalpyǵa mindetti bilim berý standartyn oryndaýyn baqylaý maqsatynda memlekettik attestattaý tutastaı bilim berý uıymy boıynsha júzege asyrylady.

Tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berýdiń kásiptik bilim berý baǵdarlamalaryn iske asyratyn bilim berý uıymdary úshin memlekettik attestattaý mamandyqtar bólinisinde de júzege asyrylady.

7. Bilim berý uıymyn, sondaı-aq mamandyqtar bólinisinde memlekettik attestattaýdy júrgizý kezindegi negizgi baǵyttar men zerdeleý obektileri:

1) jalpy sıpattama;

2) kadrlar quramy, onyń ishinde bilim berý uıymynyń basshylaryna, pedagog qyzmetkerlerine jáne olarǵa teńestirilgen adamdarǵa qoıylatyn biliktilik talaptarynyń saqtalýy;

3) bilim alýshylardyń kontıngenti;

4) oqý-ádistemelik jumys jáne pedagogıkalyq júkteme;

5) oqý-tárbıe jumysy;

6) oqý-materıaldyq aktıvter;

7) oqý jáne ǵylymı zerthanalar;

8) aqparattyq resýrstar men kitaphana qory;

9) bilim alýshylardyń bilim sapasyn baǵalaý;

10) ǵylymı-zertteý jumysy ne ǵylymı qyzmet;

11) kásiptik praktıka bolyp tabylady.

8. Memlekettik attestattaýdy júrgizý kezinde aqparat jınaýdyń negizgi ádisteri:

1) bilim berý uıymynyń materıaldyq-tehnıkalyq bazasyn jáne áleýmettik qamtamasyz etý obektilerin sholyp qaraý;

2) memlekettik jalpyǵa mindetti standarttar talaptarynyń saqtalýyn tekserý maqsatynda bilim berý uıymdarynyń qujattamasyn zerdeleý;

3) oqý protsesiniń kórsetkishterin taldaý;

4) oqý jetistikterin baǵalaýdyń, bilim alýshylardy qorytyndy attestattaýdyń nátıjelerin taldaý;

5) bilim alýshylardy, pedagogtar men olarǵa teńestirilgen adamdardy, qyzmetkerlerdi jáne bilim alýshylar men tárbıelenýshilerdiń ata-analaryn saýalnamadan ótkizý;

6) oqý sabaqtaryna qatysý;

7) bilim alýshylarmen, oqytýshylarmen jáne qyzmetkerlermen, bilim alýshylar men tárbıelenýshilerdiń ata-analarymen áńgimelesý;

8) bilim alýshylardyń bilim sapasyn keshendi testileý jáne bilim kesindilerin baqylaýdyń basqa da túrlerin ótkizý arqyly baǵalaý bolyp tabylady.

9. Bilim berý uıymdaryn memlekettik attestattaýǵa arnalǵan shyǵystar bıýdjettik qarajat esebinen júzege asyrylady.

10. Memlekettik attestattaýdy ótkizý kezinde birtutas tásil men ashyqtyqty qamtamasyz etý úshin bilim berý uıymdaryn memlekettik attestattaýdy jáne olardyń ózin-ózi baǵalaýdy uıymdastyrý men ótkizýdiń baǵdarlamalary jáne ádistemelik usynymdaryn ýákiletti organ ázirleıdi jáne bekitedi, olardyń mátini tıisti ýákiletti organnyń resmı saıtynda ornalastyrylady.

2. Memlekettik attestattaýdy ótkizý tártibi

11. Memlekettik attestattaý kestelerin ýákiletti organ jyl saıyn, birinshi shildege deıin bekitedi. Ótkizý merzimi týraly aqparat bilim berý uıymdaryna memlekettik attestattaý bastalǵanǵa deıin úsh aı buryn jazbasha túrde jetkiziledi.

12. Myna:

1) bilim berý uıymdarynyń tótenshe jaǵdaılardyń zardaptaryn joıý qajettiligine baılanysty dáleldi jazbasha ótinishterin;

2) bilim berý uıymyn qaıta uıymdastyrý jaǵdaılaryn qospaǵanda, bekitilgen memlekettik attes­tattaý kestelerine ózgerister jáne (nemese) tolyqtyrýlar engizýge jol berilmeıdi.

Zańdy tulǵanyń ataýynyń ózgertilýi bilim berý uıymyn memlekettik attestattaý merzimin ózgertý úshin negizdeme bolmaıdy.

13. Bilim berý uıymdary memlekettik attestattaý bastalǵanǵa deıin bir aı merzimnen keshiktirmeı ýákiletti organǵa osy Erejeniń 7-tarmaǵynda kórsetilgen zerdeleý obektileriniń árqaısysy boıynsha ózin-ózi baǵalaý materıaldaryn usynady.

14. Bilim berý uıymdaryn memlekettik attestattaýdy attestattaý komıssııasy jeti jumys kúninen aspaıtyn merzimde ótkizedi.

15. Attestattaý komıssııasynyń quramyna:

1) tıisti ýákiletti organnyń;

2) eger memlekettik attestattaý memlekettik bilim berý uıymdarynda ótkizilgen jaǵdaıda, qaramaǵynda bilim berý uıymdary bar memlekettik organdardyń;

3) memlekettik attestattalýǵa tıis bilim berý uıymy qyzmetiniń beıini boıynsha bilikti mamandar bolyp tabylatyn bilim berý uıymdary men olardyń birlestikteriniń (qaýymdastyqtarynyń);

4) bilim berý salasyndaǵy ýákiletti organnyń testileý máseleleri jónindegi uıymynyń;

5) beıindi baǵyttar boıynsha kásiporyndardyń, mekemelerdiń nemese uıymdardyń ókilderi kiredi.

16. Ýákiletti organnyń laýazymdy adamynyń buıryǵymen attestattaý komıssııasynyń quramy jáne onyń tóraǵasy - ýákiletti organnyń qyzmetkeri bekitiledi.

Attestattaý komıssııasynyń tóraǵasy (budan ári - tóraǵa) attestattaý komıssııasy músheleriniń arasynda bilim berý uıymy qyzmetiniń baǵyttaryn zerdeleý jónindegi naqty tapsyrmalardy bóledi. Tóraǵa ǵylymı nemese pedagogıkalyq keńestiń kezekten tys keńeıtilgen otyrysynda attestattaý komıssııasynyń múshelerin tanystyrady.

17. Attestattaý komıssııasynyń jumysy týraly habarlaý jáne tıisti jazbasha habarlandyrýlardy daıyndaý bilim berý uıymynyń basshysyna júkteledi.

18. Attestattaý komıssııasy óziniń qyzmetinde bilim berý uıymdarynyń qyzmetin reglament­teıtin Qazaqstan Respýblıkasynyń zańnamasyn jáne basqa da normatıvtik quqyqtyq aktilerdi basshylyqqa alady.

19. Attestattaý komıssııasynyń músheleri tóraǵaǵa memlekettik attestattaý máselelerin zerdeleý barysy týraly aqparat beredi jáne zerdeleý obektileri boıynsha, sondaı-aq mamandyqtar boıynsha anyqtamalardy tapsyrady.

20. Bilim alýshylardyń bilim sapasynyń memlekettik jalpyǵa mindetti standart talaptaryna sáıkestigin aıqyndaý úshin attestattaý komıssııasy 4, 9, 11-synyptarda jáne bitirýshi kýrstarda bilim alýshylardyń bilimin, daǵdysyn jáne iskerligin baqylaýdy ótkizedi. Bul rette keshendi testileý tehnologııasy nemese bilim alýshylardyń bilimi men iskerligin baqylaýdyń ózge de túrleri (baqylaý jumysy, esse, jobalyq tapsyrmalar, shyǵarmashylyq tapsyrmalar, shyǵarmalar) paıdalanylady.

Bilim berý uıymynda bitirýshi synyptar men kýrstar bolmaǵan jaǵdaıda, bilimdi, daǵdyny jáne iskerlikti baqylaý joǵarǵy synyptar men kýrstardaǵy bilim alýshylarmen ótkiziledi.

Orta bilimnen keıingi jáne joǵary bilim berý uıymdarynyń bitirýshi kýrstarynda (olar bolmaǵan jaǵdaıda - joǵary kýrstarynda) bilim alýshylardyń bilimi men iskerligin tekserý úshin mamandyqtardyń oqý-ádistemelik sektsııalary bazalyq jáne beıindi tsıklderge kiretin pánderdiń tizbesin ýákiletti organnyń testileý máseleleri jónindegi uıymyna usynady. Atalǵan pánderdiń tizbesin bilim berý salasyndaǵy ýákiletti organ bekitedi.

21. Testileý jáne bilim men iskerlikti baqylaýdyń ózge de túrleri bilimi baqylanýǵa tıis bilim alýshylar kontıngentiniń tizimdik quramynyń keminde 95 %-y (bitirýshileriniń jalpy sany 10 nemese odan da az bilim berý uıymdarynda - keminde 80 %-y) qatysqan jaǵdaıda ótkiziledi.

22. Testileýge kelgen tehnıkalyq jáne kásiptik, orta bilimnen keıingi jáne joǵary bilim berý uıymdarynyń bilim alýshysynda ózimen birge jeke basyn kýálandyratyn qujaty, sondaı-aq synaq kitapshasy bolýy tıis.

23. Keshendi testileý kezindegi baǵalaý shákili (paıyzdyq qatynasta) mynadaı tártippen aıqyndalady:

«óte jaqsy» - 90-100 %;

«jaqsy» - 75-89 %;

«qanaǵattanarlyq» - 50-74 %;

«qanaǵattanǵysyz» - durys jaýaptar emtıhan materıaldaryndaǵy suraqtar sanynyń 50 %-ynan az.

24. Bastaýysh, negizgi orta, jalpy orta jáne joǵary oqý ornynan keıingi bilim alýshylarmen ótken baqylaý jumystaryn, esseni, jobalyq tapsyrmalardy, shyǵarmashylyq tapsyrmalardy, shyǵarmalardy tekserýdi jáne tórt baldyq júıemen baǵalaýdy tóraǵa bekitetin birlesken komıssııa (budan ári - birlesken komıssııa) júzege asyrady.

Birlesken komıssııanyń quramyna:

1) tóraǵa;

2) attestattaý komıssııasynyń múshesi;

3) attestattalatyn bilim berý uıymynyń bir ókili kiredi.

25. Mektepke deıingi uıymdarda keshendi testileýdiń ornyna qyzmetkerler men tárbıelený­shilerdiń ata-analaryn saýalnamadan ótkizý júrgiziledi.

Arnaıy jáne mamandandyrylǵan bilim berý uıymdarynda, qosymsha bilim berý uıymdarynda bilimdi baqylaýdyń baqylaý jumysy, tyńdaý, baıqaý, sporttyq ólsheýler sııaqty nysandary qoldanylady.

26. Keshendi testileýdiń jáne bilim alýshylar men tárbıelenýshilerdiń bilimderin, daǵdysy men iskerlikterin baqylaýdyń basqa da nysandarynyń, qyzmetkerler men ata-analarǵa saýalnama júrgizýdiń nátıjelerin taldaýdy attestattaý komıssııasy júzege asyrady.

27. Saýalnama jáne basqa da suraýlar túrlerin júrgizý kezinde attestattaý komıssııasy stýdenttik, jastar jáne qoǵamdyq uıymdardy tartady.

28. Tóraǵa memlekettik attestattaýdy ótkizý kezindegi zerdeleý obektileriniń barlyǵy boıynsha baqylaý nátıjelerin jınaqtaıdy jáne attestattaý komıssııasynyń qorytyndysyn (budan ári - qorytyndy) daıyndaıdy.

Qorytyndy osy Erejeniń 7-tarmaǵynda keltirilgen memlekettik attestattaý kezindegi zerdeleý obektileri jónindegi málimetterden quralady, sondaı-aq mynadaı bólimderdi qamtıdy: shyǵarma­shylyq qyzmet (óner salasyndaǵy bilim berý uıymdary úshin); mamandyqtardy (kásipterdi) attestattaý; saýalnama nátıjesi; kemshilikter men eskertýler (budan ári - buzýshylyqtar); tujyrymdar men usynystar.

29. Qorytyndynyń eki danasyna tóraǵa men attestattaý komıssııasynyń barlyq músheleri qol qoıady.

Qorytyndynyń kórsetilgen danalaryna tanysqany jáne danalardyń bireýin alǵany týraly belgimen bilim berý uıymynyń basshysy qol qoıady jáne bilim berý uıymynyń mórimen rastalady.

Bilim berý uıymynyń basshysy qorytyndynyń danalaryna qol koıýdan bas tartqan jaǵdaıda Tóraǵa men attestattaý komıssııanyń músheleri tıisti akti jasaıdy jáne qorytyndynyń bir danasy Qazaqstan Respýblıkasynyń zańnamasynda belgilengen tártippen bilim berý uıymyna engiziledi.

30. Qorytyndyǵa mynadaı qujattar qosa beriledi:

1) bilim berý uıymy qyzmetiniń negizgi kórsetkishteri;

2) bilim berý uıymynyń qurylymy;

3) bilim berý uıymynyń kontıngenti, onyń ishinde oqytý nysandary jáne mamandyqtary (kásipteri) boıynsha oqıtyn bilim alýshylar týraly málimetter;

4) bilim berý uıymynyń professor-oqytýshy, pedagogıkalyq jáne qyzmet kórsetetin quramynyń sandyq jáne sapalyq sıpattamasy;

5) bilim men iskerlikti baqylaý nátıjeleri;

6) mamandyqtar (daıyndaý baǵyttary) bólinisinde attestattaý nátıjeleri týraly anyqtamalar.

31. Memlekettik attestattaýdyń sońǵy kúni tóraǵa ǵylymı nemese pedagogıkalyq keńeste qorytyndy týraly habarlaıdy.

Bilim berý uıymynyń basshylyǵy attestattaý komıssııasynyń qorytyndysymen kelispegen jaǵdaıda, qorytyndy resmı jarııa etilgennen keıin kúntizbelik úsh kún ishinde jazbasha negizdememen ýákiletti organǵa júginedi. Kórsetilgen ótinishti ýákiletti organ Qazaqstan Respýblıkasynyń zańnamasynda belgilengen tártippen qaraıdy.

32. Qorytyndynyń negizinde ýákiletti organ kúntizbelik on kún ishinde bilim berý uıymyn attes­tattaý nemese attestattamaý týraly sheshim qabyldaıdy. Sheshim tıisti ýákiletti organnyń laýazymdy adamynyń buıryǵymen resimdeledi.

33. Eger bilim berý qyzmeti memlekettik jalpyǵa mindetti standarttardyń talaptaryna tolyq sáıkes bolsa, onyń ishinde attestattaý komıssııasy bilim alýshylardyń bilimi men iskerligin baǵalaýdyń nátıjeleri boıynsha bilim alýshylardyń keminde 70%-y durys jaýap bergendigin aıqyndasa, bilim berý uıymy «attestattalsyn» degen sheshim qabyldanady.

34. «Attestattalmasyn» degen sheshim (mektepke deıingi uıymdardy qospaǵanda) lıtsenzııasynyń qoldanylýyn toqtata turý arqyly bilim berý uıymyn Qazaqstan Respýblıkasynyń zańnamasyna sáıkes ákimshilik jaýapkershilikke tartýǵa ákelip soǵady.

Bilim berý uıymy lıtsenzııasynyń qoldanylýyn toqtata turý merzimi ótken soń ýákiletti organ bilim berý uıymyn memlekettik attestattaý barysynda anyqtalǵan buzýshylyqtardyń joıylǵan­dyǵyn aıqyndaý jóninde komıssııa qurady.

Buzýshylyqtar joıylǵan jaǵdaıda, ýákiletti organnyń buıryǵymen lıtsenzııanyń qoldanysy qaıta jandandyrylady.

35. Lıtsenzııanyń qoldanysyn toqtata turý merzimi ishinde buzýshylyqtar joıylmaǵan jaǵdaıda, bilim berý uıymyn lıtsenzııadan aıyrý Qazaqstan Respýblıkasynyń zańnamasynda belgilengen tártippen júrgiziledi.

36. Mektepke deıingi uıymnyń qyzmetinde anyqtalǵan buzýshylyqtar joıylmaǵan jaǵdaıda, kórsetilgen uıymnyń keleshektegi qyzmeti týraly sheshim sot tártibimen qabyldanady.

37. Bilim berý uıymyn attestattaý nemese attestattamaý týraly sheshim týraly aqparat tıisti ýákiletti organnyń resmı saıtyna ornalastyrylady.

38. Halyqaralyq bilim berý uıymdaryn, sheteldik bilim berý uıymdarynyń fılıaldaryn memlekettik attestattaý, eger Qazaqstan Respýblıkasy ratıfıkatsııalaǵan halyqaralyq sharttarda ózgeshe belgilenbese, Qazaqstan Respýblıkasynyń zańnamasyna sáıkes júzege asyrylady.