Bilim berý sapasyn halyqaralyq reıtıngterden kórýge bolady – Ashat Aımaǵambetov

NUR-SULTAN. QazAqparat – Qazaqstannyń bilim berý nysandary halyqaralyq reıtıngterden kórinip keledi. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat.

«Jalpy otandyq bilim berý júıesiniń sapasyn halyqaralyq reıtıngterden kórýge bolady. Olardyń básekege qabilettiligi óte joǵary dep aıta alamyn. Mysaly, kolledjder boıynsha WorldSkills chempıonatynyń qortyndysyn qarasaq, Qazaqstan 60 astam qatysýshy elderi arasynda 50-shi orynnan 14-orynǵa deıin kóterildi. Kórip otyrǵandaryńyzdaı, jaqsy dınamıka bar», - dedi Ashat Aımaǵambetov Úkimet otyrysynda.

Sonymen birge, QS halyqaralyq reıtıngisinde 2016 jyly 8 ǵana ýnıversıtet bolsa, búgingi kúni Qazaqstannan 14 joǵary oqý orny enip otyr.

«3 joǵary oqý orny bedeldi Times Higher Education reıtıngisine kiredi. Kórshiles eldermen, kóp sheteldik memlekettermen salystyrǵanda bul jaqsy jetistik», - dedi Bilim jáne ǵylym mınıstri.

Aıta keteıik, kelesi oqý jyly úshin joǵary oqý oryndaryna 73 myń, kolledjderge 31 myń grant bólinedi.

Qazaqstanda 50-ge jýyq eski mamandyq boıynsha oqytý toqtatyldy jáne buryn bolmaǵan 60-qa jýyq mamandyq ashylǵan.

Sonymen birge, elimizde 2 jylda maman ázirleıtin «Qoldanbaly bakalavrıat» pılottyq jobasy bastalady.