Bilim berý salasyndaǵy jemqorlyq báseńder emes - Qarjy polıtsııasy
ASTANA. QazAqparat - Bilim berý salasynda jemqorlyq quqyq buzýshylyq kórsetkishi ósip keledi. Bul týraly búgin Aqordada sybaılas jemqorlyqqa qarsy kúres máseleleri jónindegi komıssııanyń keńeıtilgen otyrysynda QR Ekonomıkalyq jáne sybaılas jemqorlyq qylmysqa qarsy kúres agenttigi tóraǵasynyń orynbasary Andreı Lýkın málim etti.
Onyń atap ótýinshe, qarjy polıtsııasy organdarynyń jedel-tergeý tájirıbesine júrgizilgen saraptama bilim berý salasynda jasalatyn qylmystardyń jyldan-jylǵa ósip kele jatqanyn kórsetken.
«Máselen, 2013 jyly qarjy polıtsııasy bul salada 221 qylmysty anyqtady. Al aǵymdaǵy jyldyń birinshi toqsanynyń ózinde 125 qylmys tirkeldi. Bul ótken jyldyń ishinde anyqtalǵan qylmystardyń jartysynan da kóp», - dedi tóraǵa orynbasary.
A.Lýkınniń sózine qaraǵanda, anyqtalǵan jalpy jemqorlyq qylmystardyń ishindegi bilim berý salasynda jasalǵan qylmystardyń úlesi 16 paıyzdy quraıdy.
