Bilim berý salasynda joǵary kórsetkishterge qol jetkizgen ustazdardyń eńbegi eskerildi
KÓKShETAÝ. QazAqparat-Aqmola oblysynda «25 juldyzdy kún» sheńberinde eń úzdik pedagogtarǵa qurmet kórsetildi, dep habarlaıdy «QazAqparat» HAA oblystyq bilim basqarmasynyń baspasóz qyzmetine silteme jasap.
Aqmola oblystyq fılarmonııasynda «25 juldyzdy kún» jəne bilim kúni sheńberinde ótken óńir pedagogtarynyń forýmyna oblys ákiminiń orynbasary Nurlan Núrkenov qatysyp, quttyqtaý sóz sóıledi.
«Elimizde bilim berýdi damytýdyń jańa modeli qalyptasý jəne damý ústinde. Muǵalim mamandaǵyna ər kez suranys boldy jəne bolady da. Muǵalimder ózderiniń kəsibıliginiń arqasynda turaqty túrde biliktilikterin arttyrýda», dedi N.Núrkenov.
Sonymen qatar, forým barysynda TIMSS-2015 Bilim berý jetistikterin baǵalaý jónindegi halyqaralyq qaýymdastyq nətıjesiniń tusaýy kesildi. Osy rette, Qazaqstan matematıka baǵytynda bilim berýde kósh basynan oryn aldy. Oǵan aqmolalyq muǵalimder men oqýshylar da eleýli úles qosyp otyr.
Forým qorytyndysy boıynsha bilimniń damýyna úles qosqan birqatar pedagogtardyń eńbegi eskerilip, oblys basshylyǵy tarapynan marapattaldy.
