Bilim berý salasynda nashaqorlyqtyń jasyryn belgileri bar
ASTANA. 10 qazan. QazAqparat - Búgin Astanadaǵy Qazaqstan-Reseı ýnıversıtetinde «Psıhoaktıvti zattardy paıdalanýdyń alǵashqy profılaktıkasyn bilim berý mekemelerinde uıymdastyrýdyń zamanaýı ádisteri men tehnologııasyn qoldaný» taqyrybynda konferentsııa bastaldy.
Astana qalasynyń Jastar saıasatyn qoldaý memlekettik qorynyń uıymdastyrýymen ótip jatqan is-sharanyń basty maqsaty - bilim berý mekemelerinde esirtki jáne basqa da psıhoaktıvti zattardy paıdalanýdyń aldyn alý sharalaryn uıymdastyrý, sondaı-aq osy tájirıbeni keńinen taratý. Sebebi nashaqorlyqtyń jasyryn belgileri bilim berý salasynda da barynsha baıqalady. Jastar anasha jáne basqa da psıhoaktıvti zattardy paıdalanyp, ýaqyt óte kele, esirtkige táýeldi bolyp jatady.
«Búgingi tańda elimizde 55 myńǵa jýyq nashaqor bar. Olardyń ishinde psıhıkasy áli durys qalyptaspaǵan jastar da bar. Osy sanattaǵy jas urpaqty qorǵaý qajet. Jaman ádetterdiń jeteginde ketetin órimdeı jastardyń bolashaǵy bulyńǵyr bolmas úshin biz olarǵa nashaqorlyqtyń zııanyn jan-jaqty túsindirip, densaýlyqtyń baǵa jetpes qundylyq ekendigin jastardyń sanasyna qazirden bastap sińirýimiz kerek», - deıdi Jastar saıasatyn qoldaý memlekettik qory dırektorynyń orynbasary Baqytjan Júnisbekov.
