Bilim berý mekemelerinde qys mezgilinde oqý sabaqtarynyń toqtatylý jaǵdaılary anyqtaldy
ASTANA. 6 qarasha. QazAqparat - Elordanyń resmı saıty taratqan málimetterge qaraǵanda, oqý jylynyń qysqy kezeńinde oqýshylardyń qaýipsizdigi men densaýlyǵyn saqtaý maqsatynda elordanyń bilim berý mekemelerinde Astana qalasy ákimdigimen kelisilgen oqý sabaqtaryn toqtatýdyń kelesi parametrleri anyqtaldy:
- Sekýndyna 2 metr jáne odan da joǵary jyldamdyqpen soqqan jeldi, 25 jáne odan da tómen gradýs aıazda 1-4 synyptarǵa;
- Sekýndyna 2 metr jáne odan da joǵary jyldamdyqpen soqqan jeldi, 30 jáne odan da tómen gradýs aıazda 1-9 synyptarǵa;
- Sekýndyna 2 metr jáne odan da joǵary jyldamdyqpen soqqan jeldi, 35 jáne odan da tómen gradýs aıazda 1-11 (12) synyptarǵa, kásiptik lıtseıler men kolledjderdiń ( 1-2 kýrs oqýshylary úshin) oqýshylaryna sabaq toqtatylady.
Sabaqtyń toqtatylatyny jónindegi aqparat «31- arna» telearnasynyń júgirme joldary arqyly 6.45-ten. 7.45-ke deıin (birinshi aýysym úshin) jáne 12.15-ten 13.00 saǵatqa deıin . (ekinshi aýysym úshin) beriletin bolady.
Sondaı-aq, sabaqtyń toqtatylatyny týraly aqparatty 118 - 01 ( 9.00 -den 18.00-ge deıin), 169 (aqyly) qyzmet telefondarynan alýǵa bolady.
Buǵan qosa, oqýshylardyń ata-analary mektepke telefon soǵyp, sabaqtyń toqtatylatyny jónindegi aqparatty mekteptegi kezekshiden, synyp jetekshisinen, nemese mekteptiń ákimshiliginen bile alady.
