Bilim berý máseleleri boıynsha birqatar zańdarǵa ózgerister men tolyqtyrýlar engiziletin boldy
ASTANA. Qazannyń 7-si. QazAqparat - Májilistiń Áleýmettik-mádenı damý komıtetinde qurylǵan jumys toby «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» úkimettik zań jobasyn qaraýdy qolǵa aldy.
Bul zań jobasy «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly» Zańyn qabyldaýǵa baılanysty zańnamalyq aktilerdiń normalary arasyndaǵy yqtımal kereǵarlyqty boldyrmaý úshin qajet.
Zań jobasymen birqatar zańnamalyq aktilerge túzetýler engizilmek. Atap aıtqanda, «Halyq densaýlyǵy jáne densaýlyq saqtaý týraly» Kodeksine, Salyq kodeksine, Bıýdjet kodeksine, sondaı-aq «Bilim týraly», «Kommertsııalyq emes uıymdar týraly», «Aktsıonerlik qoǵamdar týraly», «Lıtsenzııalaý týraly» jáne «Halyqty jumyspen qamtý týraly» zańdarǵa túzetýler engizý kózdelip otyr.
Joǵaryda kórsetilgen zańnamalyq ózgerister Ýnıversıtettiń, Zııatkerlik mektepterdiń jáne Qordyń turaqty damýy, qazirgi zamanǵy akademııalyq basqarý nysandaryn, qarjylandyrý tetikterin, sondaı-aq ınnovatsııalyq damýǵa qajetti akademııalyq erkindikti engizýge jaǵdaı jasaıtyn olardyń aıryqsha quqyqtyq mártebesin bekitýge jáne reglamentteýge múmkindik beredi.
Zań jobasyn qabyldaý keleńsiz áleýmettik-ekonomıkalyq saldardyń týyndaýyna ákep soqpaıdy jáne qarjy shyǵyndaryn talap etpeıdi.
Atalǵan zań jobasy boıynsha qurylǵan jumys tobyna Májilis depýtaty Gúlmıra Isımbaev jetekshilik etedi.
