Bilim berý kýrstary men materıaldyq ıgilikter usynǵan mıssıonerdiń áreketine zańmen tosqaýyl qoıylatyn bolady
ASTANA. 15 qarasha. QazAqparat - Bilim berý kýrstary men materıaldyq ıgilikter usynǵan mıssıonerdiń áreketine zańmen tosqaýyl qoıylady.
Bul týraly búgin elordada ótip jatqan Qazaqstan din tanýshylarynyń ІІ Forýmynda QR Din isteri agenttiginiń tóraǵasy Qaırat Lama Sharıf aıtty.
Onyń paıymynsha, kólemdi qarajatty qoldanatyn sheteldik mıssıonerlerdiń basty maqsaty óz qataryna qarapaıym adamdardy, ásirese jastardy tartý boldy. Jastardyń bilim-ǵylymǵa degen qushtarlyǵyn paıdalan otyryp, dinı jetekshiler ártúrli bilim berý kýrstary men materıaldyq ıgilikterdi usynǵan. Osylaısha olardy óz torlaryna túsirdi.
«Endigi ýaqytta sheteldik mıssıonerlerdiń mundaı áreketi 2011 jyly qabyldanǵan «Dinı qyzmet jáne dinı birlesikter týraly» Zańyn buzǵandyǵyn bildiredi. Jańa Zańymyzǵa sáıkes QR-nyń azamattaryn qaıyrymdylyq amaldar arqyly óz músheligine májbúrlep tartatyn dinı birlestikterdiń qyzmetine jol berilmeıdi», - dedi ol.
