Bilim berý kredıti baǵdarlamasy boıynsha oqytý máselesi sóz boldy
ASTANA. 11 tamyz. QazAqparat. Aǵymdaǵy jyldyń 11 tamyzynda «Qarjy ortalyǵy» aktsıonerlik qoǵamy L.N. Gýmılev atyndaǵy Eýrazııa ulttyq ýnıversıtetimen, «Astana» medıtsınalyq ýnıversıtetimen, S. Seıfýllın atyndaǵy qazaq agrotehnıkalyq ýnıversıtetimen birlesip ekinshi deńgeıli banktermen usynylatyn nesıelik bilim berý baǵdarlamasyn túsindirý jóninde baspasóz máslıhatyn ótkizdi,
dep habarlaıdy QR Bilim jáne ǵylym mınıstrliginiń aqparat ortalyǵy.
Jaqynda 2011-2012 oqý jylǵa bilim berý granttaryn taǵaıyndaý boıynsha Respýblıkalyq komıssııa óz jumysyn aıaqtady. 2011/2012 oqý jyldaryna arnalǵan joǵary bilimdi kadrlar daıarlaýǵa memlekettik tapsyrystyń sany 36 046 grantty quraıdy, olardyń 35 046 - kúndizgi oqý bólimi túrinde bolsa, 1000 grant - syrttaı oqý bólimi túrinde. Bilim berý grantyn taǵaıyndaýǵa arnalǵan konkýrsqa 91 018 talapker qatysty. Memleket yntaly oqýshylarǵa memlekettik grant negizinde oqýǵa múmkindik bere otyryp, kelisimshart negizinde oqýǵa túsýge talpynysy bar azamattardyń qol jetimdi bilim alýyna qamqorlyq jasap otyr.
Respýblıkalyq konkýrstyq komıssııanyń sheshimimen 32 946 bilim berý granty taǵaıyndaldy (daıyndyq bólimderine - 2275 grant, Nazarbaev Ýnıversıtetine - 500 grant, M.V. Lomonosov atyndaǵy MMÝ-niń qazaqstandyq fılıalyna - 125 grant, H. ıAsaýı atyndaǵy HQTÝ-ǵa - 200 grant bólingen).
Memlekettik grantqa ıe bola almaǵan talapkerler aqyly turde oqý úshin memlekettiń kepildigimen Bilim jáne ǵylym mınıstrligi vedomostvosyna qarasty «Qarjy ortalyǵy» AQ arqyly kredıt alýǵa múmkindikteri bar. «Qarjy ortalyǵy» dırektory Orazalıeva Zabıra Jandarqyzynyń málimdeýinshe, qujat qabyldaý barysyndaǵy basty shart - talapkerdiń UBT nátıjesi boıynsha kórsetkishi 65 upaıdan kem bolmaýy tıis. Sondaı-aq, stýdent oqý barysynda da úlgerimin tómendetpeýi shart, óıtkeni nesıe ár oqý semestri saıyn beriledi.
Aǵymdaǵy jyly joǵary oqý ornyna qabyldaýdyń tıptik erejesine qosymshalar engizildi, osyǵan sáıkes azamatpen ekinshi deńgeıli bankpen beriletin bilim berý nesıesin ázirleý kezinde azamat sáıkes bankten qujattarynyń qarastyrylýy barasynda ekendigi týraly anyqtama qaǵazyn usynǵannan bastap joǵary oqý ornyna qabyldanady.
Osylaısha, bilim berý qyzmetin kórsetýge arnalǵan kelisimshartta bekitilgen jáne bankten anyqtamany alǵan sátten bastap 4 aptadan kem emes ýaqyt aralyǵyndaǵy azamatty oqýǵa qabyldaýǵa deıingi jatatyn somany qaıtarýǵa ýaqyt kólemi usynylady.
Búgingi tańda «Qarjy ortalyǵy» «BTA Bank», «Qazaqstan Halyq Banki», «Alıans Bank» (jeńildik baǵdarlamasy boıynsha) Aktsıonerlik qoǵamdary beretin bilim berý kredıtterine kepildik berip otyr. Osy jyldyń sáýir aıynda DB «Rossııa Sberbanki» AQ-men birlesip jumys isteý týraly basty kelisim-shart jasaldy, birlesken baǵdarlama boıynsha jumys jańa oqý jylynda bastalmaq. Atalmysh baǵdarlama talapkerge bilim alyp, bilim berý kredıti boıynsha qaryzyn joǵarǵy oqý ornyn bitirgennen keıin tóleý múmkindigin beredi. Brıfıngtiń túıindi sózin Eýrazııa Ulttyq ýnıversıtetiniń rektory E.B. Sydyqov aıtty:
- Memlekettiń árbir sanaly urpaǵy sapaly bilim nárimen sýsyndaýy tıis. Osy maqsatta ár talapkerdiń múmkindigishe joǵarǵy bilim alýyna memleket jaǵdaı jasap otyr. Sonyń biri - bilim alýǵa negizdelgen nesıe. Osy baǵdarlama boıynsha stýdenttiń oqý úlgerimi jaqsy deńgeıde bolsa, Qarjy ortalyǵy ekinshi deńgeıli banktermen kelisimshart jasaı otyryp, nesıe somasynyń 90 paıyzyn tóleýge kelisip otyr. Bul - memleket tarapynan bilimniń qoljetimdiligine jasalyp otyrǵan úlken shara, - dedi ol.
Sonymen qatar bilim berý nesıesin alý protsedýralaryn jeńildetý úshin nesıe alýǵa arnalǵan ótinimderin ınteraktıvti «Men-stýdent» (www.ya-student.kz ) bilim berý web-portalyndaǵy on-line tártibinde berýlerine múmkindikteri bar, bul aǵymdaǵy jyldyń mamyr aıynda «Qarjy ortalyǵy» aktsıonerlik qoǵamymen iske qosylǵan. Web-portal turǵyn halyqtyń elimizdegi jáne shetelderdegi bilim berý týraly aqparattarǵa qol jetkizýin qamtamasyz etýge, bilim berý protsesine qatysýshylardyń ózara baılanysyn arttyrýǵa, portalǵa kirýshilerdiń qyzýǵyshylyq suraqtaryna tez arada keńes berýine, bilim berý salasynyń utqyrlyǵyn damytýǵa jáne basqa da aqparattarǵa qol jetkizýlerine múmkindik beredi.
