Bilim basqarmasy kúıik shalǵan muǵaliminiń oqıǵasyna baılanysty túsinik berdi
KÓKShETAÝ. QazAqparat - Aqmola oblysynyń bilimi basqarmasy mektep shatyryn jóndemek bolyp, ústine ystyq bıtým tógilgen muǵalimniń oqıǵasyna baılanysty túsinik berdi, dep habarlaıdy QazAqparat tilshisi oblystyq bilim basqarmasyna silteme jasap.
Basqarmanyń baspasóz qyzmetiniń deregi boıynsha aýa raıynyń saldarynan Zelennyı Bor mektep-gımnazııasy ǵımaraty shatyrynyń bir bóligi búlinip, sý aqqan.
«Keltirilgen zalaldardy mektep ákimshiligi muǵalimdermen birlesip ózdiginen joımaq bolǵan. Jóndeý jumystaryna 3 pedagog pen ózge de jumysshylar tartylǵan. Ókinishke oraı, tarıh pániniń muǵalimi Rınat Sharafýtdınov bir shelek ystyq bıtýmmen qulap, termııalyq kúıik aldy. Qazirgi kezde muǵalim aýrhanada jatyr. Jaǵdaıy qanaǵattarlyq. Oblystyq bilim basqarmasynyń ókilderi jedel túrde onymen kezdesý úshin aýrhanaǵa júrip ketti. Osy oqıǵaǵa baılanysty jumys komıssııa qurylyp, oqıǵanyń mán-jaıyn anyqtaýda»,- dep túsindirdi Aqmola oblysy bilim basqarmasynyń baspasóz qyzmeti.
Sonymen qatar, bilim basqarmasyndaǵylar oqıǵa kezinde sol mańda oqýshylardyń bolmaǵanyn aıtýda.
«Jóndeý jumystary júrip jatqan ǵımaratta sabaq aıaqtalǵannan beri balalar bolǵan joq. Balalar tek mektep janyndaǵy lagerde, ıaǵnı, ǵımarttyń basqa korpýsynda boldy», - dep tolyqtyrdy baspasóz qyzmeti.
Qazirgi kezde Býrabaı aýdanynyń bilim bólimi, quqyq qorǵaý organdary jáne eńbekti qorǵaý ınspektsııasynyń ókilderi tekseris júrgizýde.
Eske sala keteıik, osyǵan deıin habarlaǵanymyzdaı, Aqmola oblysynyń ІІD atalmysh oqıǵa baılanysty QR QK 156 babynyń 1 bólimi (eńbek zańynyń saqtalmaýy) boıynsha is qozǵap, sotaldy tergeý amaldaryn qolǵa alǵan bolatyn.
