Bilim basqarmasy Aqtaýda mektep oqýshylarynyń arasyndaǵy tóbelestiń mán-jaıyn aıtty
Aqtaý qalasyndaǵy №20 mektepte 9 «á» synyp oqýshysy men 9 «v» synyp oqýshysy arasyndaǵy tóbeles bolǵan.
«Bıyl 11 qarashada saǵat 10:20 shamasynda Aqtaý qalasy 28-shi shaǵyn aýdanda ornalasqan M.Áýezov atyndaǵy №20 jalpy bilim berý orta mektebiniń ekinshi qabatynda ornalasqan ájethananyń ishinde kámeletke tolmaǵan jasóspirimder sózge kelip qalyp, bir-birine tóbeles ústinde dene jaraqatyn salǵan», - delingen basqarma málimetinde.
Oqıǵa oryn alǵan kúni mekteptegi 2 qabattyń kezekshi muǵalimi ájethanadaǵy dybystardy estip barǵanda, esinen tanyp qulap jatqan oqýshyny kórgen.
«Mektep ákimshiligi oqýshyǵa alǵashqy kómek kórsetti. Oqıǵa mektep ınspektory men oqýshylardyń ata-analaryna eskertildi. Mektepke jedel járdem shaqyrtyldy», - delingen habarlamada.
Keıinnen, balanyń basyna aýyr soqqy jasalǵany jáne jaǵy synǵany anyqtaldy.
«Sol kúngi kezekshi muǵalimnen, synyp jetekshilerinen atalǵan oqıǵa boıynsha túsinikteme alyndy. Tekserý jumystary júrgizilip jatyr. Atalǵan oqıǵa boıynsha № 20 mektep dırektorynyń tárbıe isi jónindegi orynbasaryna tártiptik shara retinde «sógis» jarııalandy. Oqýshyǵa qatysty másele Aqtaý qalasy ákimdigi janyndaǵy kámeletke tolmaǵandardyń isi jáne olardyń quqyǵyn qorǵaý komıssııasynda qaralady. Komıssııanyń ýaqyty men kúni qosymsha taraptarǵa habarlanady», - delingen basqara málimetinde.
Aıta keteıik, buqaralyq aqparat quraldarynda soqqyǵa jyǵylǵan bala qatarlas synyptastarynan álimjettik kórgeni habarlanǵan edi. Osy oqıǵadan keıin oqýshy aýrýhanaǵa jatqyzylǵan.