Bilim basqarmalary qazaqstandyqtardy qaıyrymdylyq aktsııasyna qatysýǵa shaqyrady
ASTANA. QazAqparat - Astanada jyl saıynǵy dástúrli «Mektepke jol» qaıyrymdylyq aktsııasy bastalady.
Qalalyq Bilim basqarmasynan habarlaǵandaı, ol bıyl 1 tamyz ben 30 tamyz aralyǵynda «Balalarǵa meıirimdilik syıla» uranymen ótedi, delingen elorda ákimdiginiń resmı saıtynda. Aýqymdy aktsııa elimizdiń túkpir-túkpirinde uıymdastyrylady. Onyń maqsaty - az qamtylǵan otbasylardan shyqqan jáne ata-analarynyń qamqorlyǵynan aıyrylǵan balalarǵa jańa oqý jylyna daıyndalýǵa kómektesý. Uıymdastyrýshylar ár balany mektepke qajetti qural-jabdyqtarmen qamtamasyz etý úshin qala turǵyndary men qazaqstandyqtardy sharaǵa jumyla atsalysýǵa shaqyrady. Oǵan qatysýǵa nıet bildirýshiler Bilim basqarmasynyń myna telefon nómirlerine habarlasa alady: 55-68-74, 55-68-75.
