Bilim alýshy jastardy tárbıeleýdiń 2013-2015 jyldarǵa arnalǵan keshendi baǵdarlamasy ázirlenedi
ASTANA. 26 narýyz. QazAqparat - Qazaqstanda bilim alýshy jastardy tárbıeleýdiń 2013-2015 jyldarǵa arnalǵan keshendi baǵdarlamasy ázirlenedi, dep habarlady pm.kz saıty Bilim jáne ǵylym mınıstrliginiń baspasóz qyzmetine silteme jasap.
«Elbasy Joldaýyna sáıkes, aǵymdaǵy jyldyń birinshi jartyjyldyǵynda Bilim alýshy jastardy tárbıeleýdiń 2013-2015 jyldarǵa arnalǵan keshendi baǵdarlamasyn ázirleý qolǵa alynbaq. Baǵdarlamany iske asyrýda basty ról «Jas Ulan» uıymyna beriledi»,- delingen vedomstvo habarlamasynda.
Al aldaǵy tamyz aıynda ótetin pedagogıkalyq forýmda baǵdarlamanyń baǵyttary egjeı-tegjeı talqyǵa salynyp, ony iske asyrýǵa tek pedagogtar ǵana emes, ata-analar qoǵamdastyǵy, bıznes, úkimettik emes sektor jumyldyrylmaq.
Qazirgi tańda memlekettik áleýmettik tapsyrystyń aıasynda birqatar jastar jobalary maquldandy jáne 19 resýrstyq ortalyq quryldy. Oǵan qosa, «Jastardyń kadrlyq rezervteri», «Memlekettik qyzmet mektebi» jobalary iske asyryldy.
