Bıliktiń aýysýy men koronavırýs - Nursultan Nazarbaev týraly jańa fılm kórsetiledi

NUR-SULTAN. QazAqparat - 6 shilde - Elbasynyń týǵan kúninde «Habar» telearnasy Nursultan Nazarbaev týraly jańa derekti fılmdi kórermen nazaryna usynady, dep habarlaıdy QazAqparat.

«Jalpy barlyq jerde jáne álemniń kez kelgen túkpirinde bıliktiń aýysýy – qaýipti sát. Barlyq ýaqytta da osynaý sátte kataklızmder, tártipsizdikter bolyp, barlyq saıası kúshter bas kóteredi, árqaısysy paıdalanyp qalýǵa tyrysady. Men muny eskerdim...», - dedi Nursultan Nazarbaev tilshi Aıgúl Ádilovaǵa bergen suhbatynda.

Sondaı-aq fılm barysynda koronavırýs jaıynda sóz qozǵalady. Aıta ketsek, indetke Elbasynyń ózi de shaldyǵyp qalǵan bolatyn.

«Osynaý koronavırýs bıliktiń myqty vertıkaly bar jerde, basqarylatyn jerde – indetti eńserýge bolatynyn kórsetip berdi. Bul, ońaı másele emes. Adamdar ólip jatyr. Jedel ári tabandy sheshimder qabyldaý qajet», - dedi Nursultan Nazarbaev.

Tuńǵysh Prezıdenttiń baspasóz qyzmeti men jýrnalıst Aıgúl Ádilovanyń arnaıy jobasy – «Pýst sledýıýşıe pokolenııa sdelaıýt lýchshe menıa...» dep atalatyn derekti fılm 6 shilde kúni «Habar» telearnasynyń efırine shyǵady.