Biliktilik talaptaryna jaýapsyz qaraǵany úshin birqatar JOO-dyń prorektorlary qyzmetterinen bosatyldy
ASTANA. 7 jeltoqsan. QazAqparat - Bilim jáne ǵylym mınıstrligindegi kelisim qorytyndysy boıynsha bes prorektor qyzmetinen bosatyldy, dep habarlaıdy QR Bilim jáne ǵylym mınıstrliginiń baspasóz qyzmeti.
2010 jylǵy 18 qarasha men 4 jeltoqsan aralyǵynda Qazaqstan Respýblıkasy Bilim jáne ǵylym mınıstrliginde respýblıkadaǵy 29 joǵarǵy oqý ornynyń 65 prorektorlardyń kelisilýi ótkizildi.
Bilim jáne ǵylym mınıstrligindegi kelisý qorytyndylary boıynsha bes prorektor qyzmetterinen bosatyldy, atap aıtqanda, Jáńgir han atyndaǵy Batys Qazaqtan agro-tehnıkalyq ýnıversıtetiniń oqý jáne oqý-ádistemelik jumysy jónindegi prorektory, Pavlodar memlekettik pedagogıkalyq ınstıtýtynyń oqý-ádistemelik jumystar jónindegi prorektory, Qaraǵandy memlekettik tehnıkalyq ýnıversıtetiniń ınnovatsııa jáne oqý-ádistemelik jumystar jónindegi prorektory, Qazaq ulttyq agrarlyq ýnıversıtetiniń strategııa jáne ınfraqurylymdy damytý jónindegi prorektory, Atyraý munaı jáne gaz ınstıtýtynyń sapa jáne ınnovatsııa jónindegi prorektory jumystarynan bosatyldy.
