Biliktilik kýrstarynan ótken ustazdardyń jalaqysyna 100 paıyzǵa deıin ústemaqy qosylady - Bilim mınıstri
ASTANA. 4 sáýir. QazAqparat - Biliktilik kýrstarynan ótken ustazdardyń jalaqysyna 100 paıyzǵa deıin ústemaqy qosylady.
Bul týraly búgin elordadaǵy Nazarbaev zııatkerlik mektebinde óz jumysyn bastaǵan jalpy bilim beretin mektepter pedagogtarynyń biliktiligin arttyrý kýrsy barysynda QR Bilim jáne ǵylym mınıstri Baqytjan Jumaǵulov aıtty.
«Bizdiń elimizdiń negizgi tiregi - zııatkerlik ult múmkindigi. Sondyqtan da bizdiń balalarymyzdyń sapaly bilim alýy mańyzdy. Aqyldy ekonomıkany aqyldy adamdar jasaýy kerek, al olardyń tárbıesinde pedagogtardyń alatyn alatyn orny erekshe» - dep atap ótken mınıstrdiń sózine qaraǵanda, kýrs barysynda muǵalimder dúnıejúzilik tájirıbe eskerligen jańa tehnologııa men ádistemeni tanyp biledi.
«Biliktilik arttyrý kýrstaryn tabysty aıaqtaǵan ári sáıkestik deńgeıi sertıfıkatyna ıe bolǵan ustazdardyń jalaqysyn kóterý máselesi de kózdeledi. Úshinshi deńgeı sertıfıkatyn ıe bolǵan muǵalim óziniń jalaqysyna 30 paıyz ústemeaqy alatyn bolady. Ekinshi deńgeı sertıfıkatynyń ıegeri 70, al birinshi deńgeı sertıfıkatyn alǵan muǵalim 100 paıyz jalaqysyna ústemaqy alady», - dedi B.Jumaǵulov.
Aıta keteıik, Astanamen birge biliktilik arttyrý kýrstaryn tikeleı translıatsııa arqyly Semeı, Kókshetaý, Óskemen, Taldyqorǵan, Pavlodar, Taraz, Shymkent, Aqtóbe qalalary da bastady. Іs-sharaǵa myńnan astam muǵalim qatysýda.
