Bılikti qaıta-qaıta basyp alý halyq úshin náýbetti jaǵdaı - QR Prezıdenti
STANA. Sáýirdiń 16-sy. QazAqparat /Rýslan Ǵabbasov/ - Bılikti qaıta-qaıta basyp alý halyq úshin náýbetti jaǵdaı. Bul týraly búgin Aqordada Qyrǵyzstan máselesine arnalǵan brıfıngte Elbasy Nursultan Nazarbaev málim etti,
dep habarlaıdy QazAqparat.
«Memlekettiń táýelsizdigin jarııalaý - ol bir másele, al bul táýelsizdikti kúsheıtip, ustap qalý - ol basqa másele»,-degen Memleket basshysy, memlekette turaqsyzdyq bolsa, din jáne ult arasyndaǵy qaqtyǵystar oryn alsa, onda damý men adamdardyń ál-aýqaty, memlekettilikti bekitý múmkin emes ekenin aıtty.
«Aqyr sońynda osyndaı memleketterde kúnderdiń bir kúninde basshylyqqa naǵyz dıktatorlar keledi, nemese bul elder bireýdiń qýyrshaǵyna aınalady»,- dedi Elbasy. Osy turǵyda Prezıdent bul jaǵdaı óz kezeginde barlyǵy úshin de túıindi ekenin qadap aıtty.
«Qyrǵyzstanda eń aldymen adamdarǵa jumys berip, halyqtyń ál-aýqatyn arttyrýmen aınalysý kerek edi. Al bılikti qaıta-qaıta basyp alýdyń saldary halyq úshin náýbetti jaǵdaı»,-dedi Elbasy.
