Bılikti asyra paıdalanǵan aqtóbelik tergeýshi sottaldy
AQTÓBE. QazAqparat - Aqtóbe oblystyq ІІD, Esirtki bıznesine qarsy kúres basqarmasynyń tergeýshisi Sultan Syrlybaıuly 5 jylǵa bas bostandyǵynan aıyryldy. Ol kúdiktiniń baspanasyn tintý kezinde úı ishinen tabylǵan aqsha men telefondy ıemdenip alǵan, dep habarlaıdy QazAqparat tilshisi.
Aqtóbe oblystyq Іshki ister departamenti, Esirtki bıznesine qarsy kúres basqarmasynyń tergeýshisi Sultan Syrlybaıuly 5 jylǵa bas bostandyǵynan aıyryldy. Ol esirtki tasymaldaǵan qylmysker Asqar Sandybaevtyń páterin tintý kezinde áıeline tıesili aqsha men uıaly telefondy zańsyz ıemdengen. Tipti, qylmyskerdiń áıeli Almıra Jumaǵazınany «sybaılasy retinde jaýapqa tartamyn» dep qorqytqan. Páterden tárkilengen aqshanyń ıemdenip, uıaly telefondy ózi, keıin áriptesteri paıdalanǵanyn buǵan deıinhabarlaǵan bolatynbyz.
Búgin sot úkim shyǵardy. «Sottalýshy Sultan Syrlybaıuly Qylmystyq kodekstiń «Bılikti nemese laýazymdy ókilettilikterdi asyra aıdalaný» baby boıynsha aıypty dep tanylyp, 5 jylǵa bas bostandyǵynan aıyrylsyn. Múlki tárkilenip, ómir boıy quqyq qorǵaý salasynda jumys isteý múmkindiginen, polıtsııa kapıtany sheninen aıyrylsyn. Sultan Syrlybaıuly jazasyn jalpy rejımdegi túzetý kolonııasynda ótesin. Ol jábirlenýshige 183 myń teńge shyǵyndy qaıtarýǵa mindetti. Sonymen qatar, óz úıin jóndetip, aqshasyn bermegen jábirlenýshi Ismaılovtyń bar shyǵyny ótelsin»,- dedi sýdıa Erbol Ábdihalyqov.
Aıta keteıik, sýdıa Erbol Ádbihalyqov úkim oqyǵan kezde memlekettik aıyptaýshynyń aıyptaý qorytyndysyn ózgertý týraly ótinish túsirgenin habarlady. ıAǵnı, Qylmystyq kodekstiń «Bılikti nemese laýazymdyq ókilettikterdi asyra paıdalaný» babyn «Laýazymdyq ókilettilikterdi teris paıdalaný» babyna aýystyryp, qaıta tergeý júrgizý usynysyn sot otyrysy kezinde prokýror aıtqan. Degenmen, isti qolǵa alyp, jańa aıyptaý qorytyndysyn daıyndamaǵan, tipti, kezekti sot otyrysyna prokýror kelmeı qalǵan. Sýdıa osy derekke qatysty oblystyq ishki ister departamentiniń bastyǵy men oblys prokýroryna jeke qaýly shyǵardy.
Sot úkimi kúshine engen joq. Sultan Syrlybaıuly 15 kún ishinde appelıatsııalyq shaǵym túsire alady.
