Bılik pen qoǵam arasyndaǵy ulttyq múdde boıynsha toptasýdyń ózi úlken jeńis- A. Sarym
dep habarlaıdy QazAqparat.
«Kórshi elderdegi oryn alyp otyrǵan saıası jaǵdaılarǵa nazar aýdaratyn bolsaq, jalpy bizdegi bıliktiń ózi qoǵammen til tabysa alatyndyǵyn anyq kóremiz. Qazaq qoǵamy men bıliktiń arasynda jik joq, aınalyp kelgende ulttyq múddeniń tóńireginde, úlken qundylyqtar negizinde bas biriktire alatynymyzdy jáne osyndaı mańyzdy qujat jasap shyǵara alatyndyǵymyzdy dáleldep shyqtyq. Meniń oıymsha, osynyń ózi úlken jeńis», dedi A. Sarym.
Onyń sózine qaraǵanda, buǵan deıingi jobaǵa qatysty kóterilgen synnyń barshasy túpnusqany talqylaý barysynda eskerilgen. «Máselen, osyǵan deıin «ómir súrip kelgen elimiz ben jerimiz, ulttyq keńistik qujatta oryn tappady» dep másele kóterilse, keıingi nusqada komıssııa birizdi jumystar atqaryp, ortaq nátıje shyǵarýda jumyla bildi. Qujattyń birinshi sóziniń ózinde Qazaqstan Respýblıkasynyń osy kezeńge deıin bolǵan saıası qurylymdardyń, ózgeristerdiń jalǵyz, dara murageri ekendigi kórsetilip otyr», dedi A. Sarym.
