Bılik pen halyq arasyndaǵy baılanysty nyǵaıtýda buqaralyq aqparat quraldarynyń atqaratyn roli zor - S.Súleımen, BQO

Bul týraly oblys ákiminiń orynbasary Serik Súleımen oblystyq basqarmalar men birqatar memlekettik organdar basshylarymen bılik organdaryna azamattardyń senimin arttyrý jáne jergilikti memlekettik mekemelerdiń aqparattyq qyzmetin jetildirý máselesine arnalǵan keńeste málim etti.

Onyń aıtýynsha, Elbasy «Qazaqstan - 2050» strategııasy týraly Jolda­ýynda memlekettik qyzmet kórsetýdiń sapasyn arttyrýǵa erekshe nazar aýdardy. Memlekettik apparattyń halyqpen ózara qarym-qatynastarynda bir­jaqty kózqarastan arylyp, adamdarǵa memlekettik qyz­met­terdi tıimdi jáne jedel túrde kórsetýdi mindettedi. Memlekettik organdar BAQ-tarmen baılanys aıasyn keńeıtip, olar arqyly atqarylyp jatqan jumystardy halyqqa der kezinde jetkizip otyrýlary tıis. Ókinishke oraı, bul másele áli de bolsa óz deńgeıinde emes. Keıbir basqarma basshylary aqparat quraldarynan kórinýden qash­qaqtap júredi. Júzege asyp jatqan sharalar kóbine-kóp BAQ ókilderiniń bastamasymen jarııalanady. Al, shyn máninde, bul iske memlekettik organdar basshylary uıytqy bolýlary tıis.

Osy pikirdi óz sózinde ob­lys­­tyq ishki saıasat bas­qar­ma­sy­nyń bastyǵy Marat Toqjanov ta qostady. «Osy kezge deıin kóptegen oblystyq basqarma­lar men bó­limder medıajospar jasaýǵa den qoımaı keledi. Oǵan dálel El­ba­sy Joldaýyn jú­zege asyrý jónindegi medıa­jos­par­dy tek oblystyq densaý­­­lyq bas­qar­­ma­sy men oblystyq tó­tenshe jaǵ­­daı­lar departamenti ǵana ja­sap, bizge joldady. QR Prezıdenti janyn­da­ǵy Orta­lyq kommýnıkatsııalar qyzmeti (OKQ) árbir apta saıyn laýazym­dy tulǵalardyń qa­­­ty­sýy­­men brıfıng ótkizip ke­le­di. Bul, bi­rinshiden, memleket­tik or­gandar atqaryp jatqan ju­mystarmen halyqty der ke­zin­de habardar jasasa, ekinshiden, aqparat­­tyń jedeldigin arttyrady. Osy bastamany biz de qolǵa alýymyz kerek. Ásirese, aqparattyń jedel taralýyna qol jetkizýimiz kerek. Qazirgi aqparattyq tehnologııanyń da­myǵan zamanynda aqparatty eki-úsh kúnnen keıin bersek, onyń qajettigi de bolmaı qalady. Ony halyq ǵalamtordan oqyp alady. Bizde jaıbaraqattyq basym. Keıbir basshylar jýrnalıster málimet surasa, «Resmı túrde hat jiberińiz, jaýabyn beremiz» dep sózbuıdalyqqa salady», - dedi ol.

Keńeste oblystyq bas­qar­­ma­lar men de­par­ta­ment­­ter­­ge jergilikti mem­le­ket­tik organdar­dyń veb-saıt­taryn jańartyp otyrý, BAQ-tarda halyq aldynda oblys basshylyǵynyń tap­syrmalarynyń oryndalý ba­rysy týraly materıaldar jarııalap otyrý jóninde is-sharalar jasaqtap, ony júzege asyrý jóninde usynystar aıtyldy. Sonymen qatar BAQ-tarmen ózara is-qımyl, ınternet-resýrstarmen jumys jónin­de bólimder jasaqtaý tapsy­ryldy.