Bılik ókilettikterin bólý Qazaqstannyń demokratııalanýy turǵysynda barynsha ózekti - sarapshy
ASTANA. QazAqparat - Qazaqstan Prezıdenti Nursultan Nazarbaevtyń Joldaýy ár ýaqytta da strategııalyq qujat, eldiń odan ary damýynyń belgili bir is-qımyl jospary sanalady.
Mundaı pikirdi QazAqparattyń Ázerbaıjandaǵy arnaýly tilshisi Bekbaý Taımanovqa «Qazaqstan-Ázerbaıjan» dostyq qoǵamynyń prezıdenti Eldar Gıýaıdın bildirdi.
«Muny «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy kezekti Joldaýy taǵy da dáleldeı túsedi. Qazaqstan basshysy óziniń Joldaýynda sońǵy jyldardaǵy jetistikterdi eske túsire kele, eldiń áleýmetin tolyq kólemde júzege asyrý qajettigin atap kórsetedi», - dedi ol.
Onyń paıymdaýynsha, taıaý bolashaqta Qazaqstannyń álemniń damyǵan 30 eliniń qataryna kiretindigine eshqandaı kúdik joq. Shyn máninde respýblıka dál osy maqsatqa qaraı senimdi qadam basyp keledi.
«Kóregen Kóshbasshysynyń basshylyǵymen baýyrlas Qazaqstan qazirdiń ózinde úlken jetistikterge jetti, bıik belesterdi baǵyndyrdy. Muny halyqtyń joǵary ómir súrý deńgeıi, olardyń joǵary ál-aýqaty, ekonomıkadaǵy turaqtylyq, sonymen birge eldiń halyqaralyq arenadaǵy bedeli kórsetip otyr», - dedi sarapshy.
Onyń atap ótýinshe, 2017 jyl QR Prezıdentiniń óz ókilettikterin Úkimet pen Parlament arasynda qaıta bólý týraly strategııalyq mańyzy bar sheshim qabyldanýymen aıryqsha bolmaq. Bul qadam Qazaqstannyń demokratııalaný protsesin jalǵastyrý turǵysynda barynsha ózekti bola túspek ári ol óziniń oń nátıjesin beretin bolady.
«Biz Qazaqstannyń tabysqa jetetindigine shynaıy senemiz. Jas memlekettiń aldynda kóptegen jospar men mindet bar jáne Joldaý halyqtyń óz Kóshbasshysymen alǵa umtylýyna múmkindik beredi», - dedi Eldar Gıýnaıdyn.
