Bılik ókilderiniń «komandamen júrýin» jiti baqylap otyrmyz – Anar Jaıylǵanova
NUR-SULTAN. QazAqparat – QR Memlekettik qyzmet isteri agenttiginiń tóraǵasy Anar Jaıylǵanova «bılik ókilderiniń komandamen júrýin baqylap otyrsyzdar ma?» degen suraqqa jaýap berdi, dep habarlaıdy QazAqparat tilshisi.
«Memlekettik qyzmetshilerdiń «komandamen júrý» yqtımaldyǵyn jiti baqylap otyrmyz. Bul kórsetkish belgili bir paıyzdan aspaýy kerektigin qadaǵalaımyz. Sózsiz bul bizdiń mindet. Eger belgili bir oblysta ákim ózimen birge qyzmetkerleriniń 7 paıyzyn alyp ketse – ár qyzmetker óziniń barǵan laýazymyna laıyqty ekenin dáleldeýi kerek. Kez kelgen qyzmetker konkýrstyq irikteýden ótýi tıis», - dedi Anar Jaıylǵanova OKQ-da ótken baspasóz máslıhatynda.
Agenttik tóraǵasynyń aıtýynsha, bul konkýrsqa birinshi basshynyń ózi qatysa almaıdy.
«Sol sebepti bul másele bizdiń baqylaýda dep aıta alamyn», - dedi ol.
