Bılik karantın rejımin kezeń-kezeńimen bosańsytýǵa nıetti - Erlan Karın
NUR-SULTAN. QazAqparat - Bılik karantın rejımin birtindep jáne kezeń-kezeńimen bosańsytýǵa nıetti. Tek indettiń geometrııalyq progrespen órshýine jol bermilmeýi tıis. QR Prezıdentiniń keńesshisi Erlan Karın osylaı málim etti, dep habarlaıdy QazAqparat tilshisi.
«Memleket basshysy koronavırýspen kúrestiń jańa tásilderin jarııa etti. Bıliktiń shuǵyl ári tabandy is-áreketiniń, qańtar aıynan túrli túrli sharalardy engizýiniń arqasynda indettiń jappaı taralýyna jol berilgen joq. Endi indettiń geometrııalyq progrespen órshýine jol bermeı, bılik karantın rejımin birtindep jáne kezeń-kezeńimen bosańsytýǵa nıetti», - dep jazady Prezıdent keńesshisi Telegram paraqshasynda.
Onyń atap ótýinshe, koronavırýstyń jańadan taralýyna jáne juqtyrý oshaqtarynyń paıda bolýyna jol bermeý úshin tótenshe jaǵdaı rejımin birden alyp tastap, karantındi jeńildetýge bolmaıdy.
«Sondyqtan bılik bir jaǵynan jedel ári tabandy áreket etse, ekinshi jaǵynan eldegi jáne óńirlerdegi jalpy jaǵdaıǵa baılanysty túrli tásilderdi ıkemdi qoldanyp otyr. Buǵan qosa, karantındi ishinara jeńildetý koronavırýstyń taralý qaýpin baǵalamaýǵa alyp kelmeýi tıis. Jańa vırýspen kúres áli de jalǵasyp jatyr», - dedi Erlan Karın.
