Bıletterdi áýe kompanııalarynyń kassalarynan ǵana satyp alý kerek - vıtse-mınıstr
«Ádette Jańa jyl qarsańynda jáne demalys kúnderi ushaq bıletteri jaı kúnderge qaraǵanda joǵary bolady. Sondyqtan deldaldar nemese qandaı da bir kompanııalar arqyly artyq tólemge jol bermeý úshin jolaýshylarǵa bıletti tek áýe kompanııalarynyń resmı saıtynan jáne akkredıttelgen satý núktelerin alýǵa keńes beremiz. Bizde Air Astana, Qazaq Air áýe kompanııalarmen aldyn ala ýaǵdalastyq bar», - dedi vıtse-mınıstr.
Berik Kamalıevtiń atap ótýinshe, «Bek Eır» kompanııasynyń 31 jeltoqsanǵa deıin oryndalmaıtyn reısterine bılet satyp alǵan jolaýshylar atalǵan áýe kompanııalarynyń qyzmetin josparlanǵan baǵdarlarǵa bos oryn bolǵan jaǵdaıda buryn satyp alǵan bıletteriniń qunymen ala alady.
«Bıletterdi Air Astana men Qazaq Air áýe kompanııalarynyń kassalarynan ǵana satyp alý kerek. SCAT kompanııasyna qatysty aıtar bolsaq, «Bek Eır» men SCAT kompanııalarynyń arasynda ishki ózara esep aıyrysý bar. Sondyqtan SCAT aýystyrý arqyly óz ushaqtarynan jolaýshylarǵa oryn berýge daıyn. Air Astana «Nur-Sultan-Almaty» baǵytynda qosymsha reıster qosty. Bul jaıynda atalǵan kompanııanyń ókili aıtyp beretin bolady. Zardap shekken jolaýshylardyń jaqyn týystary tegin tasymaldanady», - dedi Berik Kamalıev.
foto: baigenews.kz
