Bıletsiz jolaýshy tasymaldaǵan júrgizýshilerge 1,4 mln. teńgeden asa aıyppul salyndy
ALMATY. QazAqparat - Almatyda bıletsiz jolaýshy tasymaldaǵan júrgizýshilerge 1,4 mln teńgeden asa aıyppul salyndy, dep habarlaıdy QazAqparat tilshisi.
«Almaty qalasynyń Kólik holdıngi» JShS baqylaý-revızııalyq basqarmasynyń qyzmetkerleri 1 tamyzdan beri reıd jumystaryn júrgizip keledi.
Baspasóz qyzmeti taratqan aqparatqa sáıkes, 2 aptada qoǵamdyq kólik júrgizýshileri tarapynan jolaýshylar tasymalyna qatysty 198 zańbuzýshylyq tirkeldi. 58 júrgizýshi jolaýshylardy bıletsiz tasymaldaǵan bolsa, 140 júrgizýshi aıaldamaǵa toqtamady.
«Bıletsiz jolaýshy tasymaldaýdyń árbir oqıǵasy boıynsha, avtobýs júrgizýshilerine qatysty QR ÁQB 623-baby boıynsha 5 AEK teńge kóleminde aıyppul salyndy. Reıdtik tekserýler júrip jatqan 13 kún ishinde, júrgizýshilerge 1 406 780 teńge aıyppul salyndy. Al, 466 jolaýshyǵa bıletsiz júrgeni úshin QR ÁQB 622-baby boıynsha (2 AEK) 2 114 708 myń teńge kóleminde aıyppul salyndy», - delingen habarlamada.
Reıdtik baqylaýlar 2017 jyldyń 31-jeltoqsanyna deıin Almaty qalasynyń jolaýshylar kóligi jáne avtomobıl joldary basqarmasynyń, kóliktik baqylaý ınspektsııasynyń, ákimshilik polıtsııa basqarmasy jáne «Almaty qalasynyń Kólik holdıngi» JShS baqylaý-revızııalyq basqarmasynyń qatysýymen, Almaty qalasynyń 8 ákimshilik-aýmaqtyq aýdanynda, avtovokzaldarda, iri aıaldamalarda júrgiziledi.
