«Bıle, Qazaqstan!» jańa jobasyna kastıng jarııalandy
ASTANA. QazAqparat - «Habar» telearnasynyń «Bıle, Qazaqstan!» jańa jobasyna kastıng jarııalandy Bul týraly búgin «Habar» arnasynyń bas prodıýseri Rınat Kertaev málim etti.
Aıta keterligi, shoýdyń túpnusqasy birinshi ret 2005 jyly Amerıka Qurama Shtattarynda «So You Think You Can Dance» degen ataýmen kórsetilgen bolatyn, qazirgi ýaqytqa deıin efırge 10 astam «Emmı» syılyǵyna ıe bolǵan jobanyń 13 maýsymy kórsetiledi. Baıqaýdyń franshızalary álemniń 37 astam elinde, sonyń ishinde Qytaıda, Avstralııada, Ulybrıtanııada, Ýkraınada jáne t.b. efırge shyqqan. «Biz álemde tanymal jobanyń ózindik nusqasyn jasaý úshin uzaq ýaqyt boıy kelissózder júrgizdik. Bizde bıleı alatyn talantty balalar kóp, olarǵa ózderin kórsetý úshin arnaıy alań kerek. Sonymen qosa bul joba salaýatty ómir salty ıdeıasyn nyǵaıtýǵa baǵyttalǵan. Sondyqtan osy joba kórermenderimizge unaıdy dep senemiz», - dedi «Habar» arnasynyń bas prodıýseri Rınat Kertaev.
Bı jobasynyń sharttary boıynsha baıqaýǵa 10 jastan 60 jasqa deıingi tájirıbeli bıshiler qatysa alady, olar tóreshilerdiń nazaryna túrli janrdaǵy bılerdi usynady. Baıqaý sondaı-aq taıaý jáne alys shet elderiniń ókilderi úshin de ashyq.
Baıqaýdyń negizgi kastıngteri Qazaqstannyń úsh qalasynda ótedi: Astanada - 23 jáne 24 shilde, Almaty - 30 jáne 31 shilde, sondaı-aq 6 jáne 7 tamyz kórermender daýys berý arqyly tańdaǵan úshinshi qalada. Іrikteý aınalymdarynan keıin 60 qatysýshy arnaıy jabdyqtalǵan úıge shaqyrylatyn bolady, onda tanymal horeograftardyń basshylyǵymen óner kórsetýge jattyǵa bastaıdy. Kezeńniń qorytyndysy boıynsha 20 baıqaýǵa qatysýshy (10 jigit jáne 10 qyz) kelesi aınalymǵa óte alady. Úshinshi kezeńde jıyrma baıqaýǵa qatysýshy jup-jupqa bólinip, ár apta saıyn kórermender men qazylarǵa túrli janrdaǵy bı nómirlerin (balet, kontemporarı, hıp-hop, breık-dans, djaz, bal bıleri jáne basqalary) kórsetetin bolady. Qazylardy tań qaldyra almaǵan qatysýshylar jobadan ketedi. Fınaldyq shyǵarylymdarda bıshiler jeke-jeke 1-orynǵa kúresetin bolady.
Tóreshiler komıssııasy - «Astana Opera» teatrynyń solısi Dosjan Tabyldy, akter, bıshi, «Orda» toby basshylarynyń biri Dastan Orazbekov jáne aty ázirge qupııa erekshe qonaq.
«Bıle, Qazaqstan!» shoýy arnanyń efırinen kúzgi televızııalyq maýsymnyń basynda kórsetiletin bolady. 
