Bılıardtyń «Qurastyrmaly pıramıda» túrinen Álem chempıonatyna qatysatyn qazaqstandyqtardyń esimderi belgili boldy
ALMATY. 31 qańtar. QazAqparat - Reseıdiń Kemerovo qalasynda 6-9 aqpan kúnderi bılıardtyń «Qurastyrmaly pıramıda» túrinen Álem chempıonaty ótedi. QR Bılıard federatsııasynyń habarlaýynsha, onda el namysyn almatylyqtar Álıhan Qaraneev, Qanybek Saǵyndyqov, Emıl Mýdarısov, Ernar Shymbaev, astanalyq Qýanysh Abpasov pen tarazdyq Maksım Pan qorǵamaq.
Buǵan deıin 2011 jyly 21-24 aqpanda Almatyda ótken Álem chempıonatyna 13 eldiń 64 sportshysy qatysqan bolatyn. Onda Qanybek Saǵyndyqov 3-shi, Azat Túmenov 8-shi, Qýanysh Abpasov, Áýez Elýbaev,. Álıhan Qaranev, Ernar Shymbaev 9-12, Almas Ábseıt, Aleksandr Vlasıhın, Arbı Mýtsıev, Álibek Omarov 19-23, Samat Gınaıatov, Ádil Dııas, Dmıtrıı Kırıllov, Emıl Mýdarısov, Nurken Súıkembaev, Aıdos Týǵanbaev, Dáýren Orynbaev 34-40, Garrı Akopov, Zaınaýdın Bahtıshat, Maksım Pan, Mıras Saqtaǵanov 51-54 oryndy bólisken bolatyn. Bul joly jarysty uıymdastyrýshylar 29 elge kvota jiberip otyr. Onda Belarýs, Qazaqstan, Reseı, Ýkraına elderi bes-besten, Qyrǵyzstan - 4, Ázirbaıjan, Moldova, Fınlıandııa úsh-úshten, Armenııa, Grýzııa, Latvııa, Lıtva, Ózbekstan, Germanııa eki-ekiden, Túrkmenstan, Estonııa, Izraıl, Chehııa, Serbııa, Ulybrıtanııa, AQSh, Polsha, Slovenııa, Bolgarııa, Italııa, Gollandııa, Belgııa, Qytaı, Aýǵanstan bir-birden sportshy jibere alady. Oǵan sondaı-aq, jarysty uıymdastyrýshy retinde Reseıdiń 3 sportshysy men ótken jylǵy Álem chempıony bul kvotadan tys qatysatyn bolady.
