Bılıard: «Qurastyrmaly pıramıda» túrinen Álem chempıonatynda astanalyq sportshy 10-shy oryndy enshiledi
ALMATY. 9 aqpan. QazAqparat - Búgin Reseıdiń Kemerovo qalasynda bılıardtyń «Qurastyrmaly pıramıda» túrinen Álem chempıonatynyń aqtyq oıyndary ótip jatyr.
6 aqpan kúni bastalǵan bul dúbirli dodaǵa 17 elden 62 sportshy qatysqan bolatyn. Asa tartysty básekede Qazaqstan quramasynan astanalyq Qýanysh Abpasov -10-shy, almatylyq Qanybek Saǵyndyqov -12-shi, Ernar Shymbaev - 20-shy, Emıl Mýdarısov - 28-shi, Álıhan Qaraneev - 33-shi, tarazdyq Maksım Pan 40-shy oryndy qanaǵat tutty.
Qazirgi sátte reseılik Vıntoro Loktev pen ýkraınalyq ıAroslav Tarnovetskıı Álem chempıony ataǵyna talasýda. Al jarysty erte aıaqtaǵan Qýanysh ýkraınalyq Pavel Radıonov pen qytaılyq Edýard Dıfýdy 6:2 etip utqanymen, 9-16 oryn úshin bolǵan synda chempıonatta úzdik bestiktiń qataryna engen reseılik Aleksandr Bannyıǵa 4:6 esebimen ese jiberdi. Qanybek alǵashqy synda moldovalyq Tsezar Manoılany (6:2), al 7-12 oryn úshin bolǵan saıysta óz jerlesi Ernar Shymbaevty (6:4) jeńip, 9-16 orynǵa talas kezinde úzdik úshtikti túıindegen ýkraınalyq Aleksandr Palamardan 2:6 esebimen súrindi. Al Ernar alǵashqy synda ázirbaıjandyq Seıhýn Agaevty 6:0 esebimen oısyrata utqan bolatyn. Emıl moldovalyq Vladımır Reısti (6:4) jeńgenimen, chempıonatta 4-shi oryn alǵan reseılik Nıkıta Lıvadaǵa (2:6) utyldy. Álıhan belarýs Oleg Rechıtske 5:6, Pan qyrǵyzstandyq Zaılan Adamovqa 3:6 bop ese jiberdi.
