Bılıard: Qýanysh Abbasov pen Ánel Bekbosynova quramdastyrylǵan pıramıdadan 2011 jylǵy Qazaqstan chempıondary atandy
ALMATY. 29 qańtar. /Sara Mustafına/ -Almatyda qańtardyń 25-i men 28-i aralyǵynda bılıard sportynyń «quramdastyrylǵan pıramıda» túrinen 32-nshi el chempıonaty ótti. Elordalyq sport sheberi Qýanysh Abbasov erler arasynda quramdastyrylǵan pıramada boıynsha 2011 jylǵy Qazaqstan chempıony atandy.
2-oryndy almatylyq Maksım Pan ıelendi. 3-oryndy Emıl Mýdarysov pen Aıdos Týǵanbaev ózara bólisti, ekeýi de almatylyqtar.
Al áıelder arasynan almatylyq sport sheberi Ánel Bekbosynova 1-oryn aldy. 2-oryndy tarazdyq Araı Baıymbetova jeńip aldy. 3-oryndy qyzylordalyq Saltanat Mahanova ıelendi.
El birinshiligine respýblıkamyzdyń ár óńirinen barlyǵy 128 er adam men 16 áıel qatysty. Jarys qorytyndysy boıynsha 21-24 aqpan aralyǵynda Almatyda ótetin quramdastyrylǵan pıramıdadan álem chempıonatynda el namysyn qorǵaıtyn Qazaqstan quramasynyń quramy jasaqtalady. Bul Qazaqstanda ótkeli otyrǵan osymen besinshi álem chempıonaty.
