Bıiktikke sekirýden Qazaqstan rekordshysy ómirden ótti

ASTANA. KAZINFORM — Bul jóninde Qazaqstan jeńil atletıka federatsııasy málim etti. Onda bıiktikke sekirýden Qazaqstan jáne Eýropa rekordshysy, dańqty sportshy Sergeı Zasımovıch ómirden ótkeni jazylǵan. 

— Otandyq jeńil atletıkanyń damýyna ólsheýsiz úles qosyp, ómiriniń sońyna deıin jas sportshylardy tárbıeleýge bar kúsh-jigerin arnaǵan tulǵa el jadynda máńgi saqtalady, — dep jazylǵan habarlamada.

Zasımovıch Sergeı Gennadevıch 1962 jyly 6 qyrkúıekte dúnıege kelgen. Bıiktikke sekirý boıynsha ol KSRO kýbogynyń eki dúrkin chempıony jáne ıegeri. Sondaı-aq ol Qazaqstannyń birneshe dúrkin chempıony boldy. 1984 jyly Sergeı Zasımovıch Tashkentte ótken jarysta bıiktikke sekirýde 236 santımetr kórsetkishti baǵyndyryp, sol kezeńde Eýropanyń rekordyn ornatqan edi. Bul áli kúnge deıin Qazaqstan rekordy retinde baǵalanady.

Eske salsaq, budan buryn qazaq fýtbolynyń ardageri Marat Esmuratov ómirden ótti.