Bıikten qulady: Aqmola oblysynda mobıldi baılanys kompanııasynyń qyzmetkeri qutqaryldy
KÓKShETAÝ. KAZINFORM - Aqmola oblysynda bıiktigi 32 metr munaranyń tóbesinen qulap, aıaǵyn syndyryp alǵan mobıldi baılanys kompanııasynyń qyzmetkeri qutqaryldy.
Aqmola oblysy TJD baspasóz qyzmetiniń málimetinshe, jazataıym oqıǵa Tselınograd aýdanynyń Aqmol aýylynda bolǵan. Jylý ortalyǵynyń bıiktigi 32 metr munarasynyń joǵary tusynda ornalasqan uıaly baılanys antennasyn jóndeý kezinde mobıldi baılanys kompanııasynyń qyzmetkeri abaısyzda qulap ketken.
«Er adam úsh metr tómen ornalasqan qurylys alańyna qulap, aıaǵyn syndyryp aldy. Zardap shekken adamdy Aqmola oblysy TJD qutqarýshylary avtokrannyń kómegimen jerge túsirip, jedel járdem brıgadasyna tapsyrdy», - dedi vedomstvodan.
Aıta ketsek, budan buryn Býrabaıda taýdan túse almaı qalǵan týrıst qutqarylǵanyn jazǵan edik.
