«Bike for Peace» qozǵalysy Semeı polıgonynyń jabylǵanyna 30 jyl tolýyna arnap kitap shyǵardy
Uıymnyń negizin qalaýshy Týre Nárland atap ótkendeı, bul basylym «Bike for Peace»-tiń 45 jyldyǵy men Semeı ıadrolyq polıgonynyń jabylýynyń 30 jyldyǵyna arnalǵan. Kitap norveg tilinde shyqqan, aǵylshyn tilindegi basylymy ázirlenýde.
«Bul kitapta biz Qazaqstan týraly kóp aıtamyz, onyń ishinde 2011 j. Beıjiń-Almaty-Máskeý-Bergen velosherýi de bar. Bizdiń sapar Semeı mańyndaǵy polıgonnan zardap shekkenderdi qoldaý uranymen ótti. Sol jyly biz arnaıy Astana-Semeı-Almaty sherýdi de jasaǵan bolatynbyz. Bul qyzyqty jáne tanymdy áńgime ǵana emes, ol kóptegen keremet fotosýretter de», - dedi T.Nárland kitabimen tanystyra otyra.
Soymen qatar, basylymda Qazaqstannyń Olımpıada chempıony Vladımır Smırnov qatysqan ıadrolyq qarýdy taratpaýdy qoldaý boıynsha Vashıngton-Nıý-Iork týry týraly da aıtylǵan.
«Qazaqstannyń úlgisi antııadrolyq qozǵalys pen búkil álem úshin óte mańyzdy. Qazaqstan ıadrolyq arsenalynyń barlyq birlikterin bólshektep tastady. Bul úshin biz álemdi ıadrolyq qarýdan azat etý boıynsha birqatar mańyzdy bastamalardy usynǵan Qazaqstannyń Tuńǵysh Prezıdenti Nursultan Nazarbaevqa rızashylyǵymyzdy bildiremiz», - dep atap ótti «Bike for Peace» kóshbasshysy.
Kitaptyń tusaýkeseri Norvegııanyń ońtústik aımaqtaryndaǵy saıasatkerlerdiń, dıplomattardyń, qala ákimderi men qoǵam ókilderiniń qatysýymen «Bike for Peace» sherýi aıasynda ótti.
Arendal, Tvedestrand jáne Rısór qalalarynda ótken brıfıngterdiń sheńberinde Kezdesýler aıasynda ótken brıfıngterdiń barysynda Qazaqstannyń Norvegııadaǵy Elshisi Erkin Ahınjanov sóz sóıledi.
Qazaqstandyq dıplomat 30 jyl buryn táýelsiz Qazaqstannyń Tuńǵysh Prezıdenti - Elbasy Nursultan Nazarbaevtyń álemdegi tórtinshi oryndaǵy ıadrolyq arsenaldan bas tartý jáne Semeı ıadrolyq polıgonyn jabý týraly sheshiminiń tarıhı mańyzy týraly aıtyp shyqty.
Kezdesýlerge qatysýshylar táýelsiz Qazaqstannyń sońǵy 30 jyldaǵy damýynyń basty belesterimen, qazirgi ýaqytta elimizde saıası, ekonomıkalyq jáne áleýmettik salada júrgizilip jatqan reformalarmen tanysty.
Norvegterdiń asa qyzyǵýshylyǵyn sherý barysynda usynylǵan jýyrda norveg tilinde jaryq kórgen Abaı Qunanbaıulynyń Qara sózderi men tańdamaly poezııasy týdyrdy.
«Bike for Peace» qozǵalysy 29 tamyzdaǵy Halyqaralyq ıadrolyq synaqtarǵa qarsy is-qımyl kúni sheńberinde Bern-Jeneva baǵyty boıynsha velosherýdi ótkizedi.
