BIІK fýtboldan áıelder arasyndaǵy UEFA Eýropa kýbogyna joldama aldy

ASTANA. KAZINFORM - Qazaqstandyq BIІK fýtboldan áıelder arasyndaǵy UEFA Eýropa kýbogyna joldama aldy.

Shymkenttik komanda UEFA Chempıondar lıgasynyń birinshi irikteýi kezeńinde 3-oryn úshin oıynda slovakııalyq «Spartak Mııava» komandasynan 2:1 esebimen basym tústi.

Bul jeńis olar úshin jańa týrnır- Eýropa kýbogynyń irikteý kezeńinde oıyn kórsetýge múmkindik beredi.

Endi shymkenttikter atalǵan týrnırdiń birinshi irikteý kezeńinde oınaıdy. Alǵashqy kezdesý 10-11 qyrkúıekte ótse, qarymta matchy 17-18 qyrkúıekke josparlanǵan. Qarsylasy 31 tamyz kúni jerebe tartý rásiminde anyqtalady.

Aıta ketsek, Chempıondar lıgasynyń birinshi irikteýi kezeńinde olar aldymen Slovenııanyń «Katovıtse» klýbyna 0:2 esebimen jol bergen edi.

Sondaı-aq búgin saǵat 18:00-de qazaqstandyq «Aqtóbe» Danııanyń «Norshelann» komandasymen atalǵan týrnırde 3-oryn úshin saıysqa túsedi. Aqtóbelik klýb alǵashqy oıynynda Italııanyń «Roma» komandasyna 0:2 esebimen jol berdi.

BIІK komandasy 2009 jyldan beri Chempıondar lıgasynda el namysyn qorǵap keledi. 2017, 2018, 2019 jyldary 1/8 fınalǵa deıin jetti.Shymkenttik klýb el birinshiliginde 13 márte chempıondyq ataqty jeńip aldy.

Al «Aqtóbe» 2014 jyldan beri el birinshiliginde baq synap júr. 2024 jyly kúmis júldeger atansa, 2018 jyly qola medal alǵan edi. Bıyl eýrokýbok oıyndaryna alǵash ret qatysqaly otyr.