Bıylǵy jaz jyldaǵydan ystyq bolady
ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev oblys ákimdikterin órtke qarsy daıyndyqty kúsheıtýge shaqyrdy.
Úkimet otyrysynda mınıstr orman kúzetine jaýapty organdardyń órtke qarsy daıyndyǵy týraly baıandama jasaǵan.
— «Qagıdromettiń» boljamy boıynsha bıyl jaz ótken jyldarǵa qaraǵanda ystyq bolady. Osyǵan baılanysty oblys ákimdikteri dala órtiniń aldyn alyp, joıý baǵytynda jan-jaqty sharalar qabyldap, orman sharýashylyqtarynyń kúshteri men quraldaryn tolyq daıyndyqqa keltirý qajet, — dedi vedomstvo basshysy.
Aıta keteıik, Shyǵys Qazaqstan oblysy Zaısan aýdanynda órt sóndirýshiler qamys pen shópti sharpyǵan tilsiz jaýmen áli kúresip jatyr.
