Bıylǵy oqý jylynda 31 mektepte jańa oqýlyqtar synaqtan ótip jatyr

ASTANA. KAZINFORM — 2 qyrkúıekten bastap elimizdiń 31 pılottyq mektebinde Oqý-aǵartý mınıstrligi respýblıkalyq ǵylymı-praktıkalyq bilim mazmunyn saraptaý ortalyǵynyń basshylyǵymen 2025-2026 oqý jylyna arnalǵan jańa oqýlyqtar synaqtan ótip jatyr. 

Mundaǵy maqsat — jańa oqý baǵdarlamasy negizinde ázirlengen 4-synypqa arnalǵan jekelegen pánder boıynsha oqýlyqtar mazmunynyń sapasyn anyqtaý, sondaı-aq mektepter úshin tıimdi oqý materıalyn tańdaý.

Aprobatsııa 4-synypqa arnalǵan myna oqýlyqtardy qamtıdy: «Beıneleý óneri», «Eńbekke baýlý», «Orys tili» (qazaq tilinde oqytatyn mektepter úshin), «Shet tilderi» (aǵylshyn, nemis, frantsýz) jáne «Tsıfrlyq saýattylyq» (elektrondyq oqýlyq).

Aprobatsııaǵa pedagogter men oqýshylar qatysýda, bul oqýlyqtardyń fýnktsıonaldyǵy men tıimdiligi týraly tolyq maǵlumat alýǵa múmkindik beredi.

Esterińizge sala keteıik, ortalyq bes satyly saraptama jumysyn júrgizedi: ǵylymı-pedagogıkalyq saraptama, pysyqtaý kezeńi, pılottyq mektepterde synaqtan ótkizý, qoǵamdyq talqylaý jáne pándik saraptama komıssııasy.

Sarapshy bolýǵa ótinish bergisi keletin muǵalimder bmso.kz resmı saıtynda saýalnamadan óte alady.