Bıylǵy maýsymda Qazaqstannyń birqatar óńirinde qurǵaqshylyq kútiledi
ASTANA. KAZINFORM — «Qazgıdromet» RMQ elimizdiń 12 óńirinde qurǵaqshyl qaýpi bar ekenin málimdedi.
Sınoptıkterdiń boljamynsha, bıyl maýsym aıyna arnalǵan aldyn ala boljamǵa sáıkes atmosferalyq qurǵaqshylyq myna óńirlerde kútiledi:
- Qostanaı oblysynda — Amangeldi, Qarasý, Áýlıekól jáne Jangeldın aýdandarynda;
- Batys Qazaqstan oblysynda — Jańaqala aýdanynda;
- Qaraǵandy oblysynda — Shet aýdanynda;
- Aqmola oblysynda — Ereımentaý jáne Arshaly aýdandarynda;
- Aqtóbe oblysynda — Shalqar jáne Yrǵyz aýdandarynda;
- Atyraý oblysynda — Qurmanǵazy jáne Mahambet aýdandarynda;
- Qaraǵandy oblysynda — Aqtoǵaı, Nura jáne Shet aýdandarynda;
- Ulytaý oblysynda — Ulytaý jáne Jańaarqa aýdandarynyń jekelegen eldi mekenderinde;
- Almaty oblysynda — Jambyl aýdanynda;
- Jetisý oblysynda — Alakól aýdanynda;
- Jambyl oblysynda — Talas aýdanynda;
- Qyzylorda oblysynda — Qazaly, Qarmaqshy, Shıeli aýdandarynda jáne Qyzylorda qalasynda.
— Atalǵan aýdandarda jergilikti qurǵaqshylyqtyń týyndaý yqtımaldyǵy joǵary.
Elimizdiń qalǵan aýmaqtarynda ylǵaldaný jaǵdaıy osy aı úshin qalypty deńgeıge jaqyn bolady dep kútiledi, — delingen habarlamada.
Boljam www.agrodata.kz qosymshasynda jáne Qazgıdromet resmı saıtynda jarııalanǵan.
Qajet bolǵan jaǵdaıda aldyn ala boljam naqtylanatyn bolady.
Aıta keteıik, BUU qurǵaqshylyq saldary aýqymdy bolatynyn eskertken edi.
