Bıylǵy kóktemgi egis jáne egin jınaýdy jeńildetilgen nesıeleýge 750 mlrd teńge bólinbek
ASTANA. KAZINFORM - Qazaqstanda 2026 jylǵy kóktemgi egis jumystaryna arnalǵan qarjylandyrý baǵdarlamasyn iske asyrý júrip jatyr. Ótinimderdi qabyldaý 2025 jylǵy 1 qazanda Memleket basshysynyń egis naýqanyn ýaqtyly ári sapaly ótkizý jónindegi tapsyrmasyn oryndaý maqsatynda bastaldy.
QR aýyl sharýashylyǵy mınıstrligi bapasóz qyzmetiniń habarlaýynsha, aýyl sharýashylyǵy taýaryn óndirýshiler úshin syıaqy mólsherlemesi jyldyq 5%-dy quraıdy.
Qazirgi ýaqytta jalpy somasy 637 mlrd teńgeni quraıtyn 5307 ótinim qabyldandy. Sonyń ishinde aýyl sharýashylyǵy taýaryn óndirýshilerdiń 4968 ótinimi maquldanyp, 578 mlrd teńge kóleminde qarjy bólindi.
Jalpy alǵanda, 2026 jyly kóktemgi egis jáne egin jınaý jumystaryn jeńildetilgen nesıeleýge 750 mlrd teńge bólý josparlanyp otyr. Qarajat «Agrarlyq nesıe korporatsııasy» AQ, ekinshi deńgeıli bankter, mıkroqarjy uıymdary, óńirlik ınvestıtsııalyq ortalyqtar, kredıttik seriktestikter jáne áleýmettik-kásipkerlik korporatsııalar arqyly beriledi.
Nesıe alýshylar úshin syıaqy mólsherlemesin jyldyq 5%-ǵa deıin tómendetý maqsatynda «Agrarlyq nesıe korporatsııasy» AQ oblıgatsııalary boıynsha kýpondyq syıaqyny sýbsıdııalaý tetigi qoldanylyp otyr. Sonymen qatar, «Damý» kásipkerlikti damytý qory» AQ arqyly nesıelerge kepildik berý júrip jatyr. Bul qaryz somasynyń 85%-yna deıin kepildikpen qamtýǵa múmkindik beredi.
Jeńildetilgen qarjylandyrý kóktemgi egis jumystaryna daıyndyq pen olardy júrgizýge, sondaı-aq egin jınaý naýqany men maýsymdyq shyǵyndardy qarjylandyrýǵa beriledi.
Osyǵan deıin elimizde 2026 jylǵy egis naýqany sátti aıaqtalǵany týraly jazdyq.
