Bıylǵy qańtar-mamyr aralyǵynda Qazaqstannyń JІÓ 6%-ǵa ósti

ASTANA. KAZINFORM — Ulttyq statıstıka bıýrosynyń aldyn ala derekterine sáıkes, 2025 jyldyń qańtar-mamyr aılarynda Qazaqstannyń jalpy ishki ónimi byltyrǵy osy kezeńmen salystyrǵanda 6%-ǵa ósken.

Mundaı nátıjege ónerkásip pen qurylys salalarynan bastap saýda, kólik jánebaılanysqa deıingi negizgi salalardaǵy ósim qarqynynyń jedeldeýi yqpal etti.

Ónerkásip óndirisi 6,4%-ǵa artty. Eldiń 17 óńirinde ósim baıqaldy: eń joǵary ósim +22,9% kórsetkishimen ken óndirý, tyńaıtqyshtar, portlandtsement pen qant óndirisiniń belsendi damýynyń nátıjesinde Jambyl oblysynda tirkeldi. Túrkistan jáne Jetisý oblystarynda óndiris 14,8%-ǵa, Almaty qalasynda 14,1%-ǵa ósti. Shymkent qalasynda ósim 18,9%-ǵa jetti.

Aýyl sharýashylyǵyndaǵy ósim 4,0%-dy qurady (qańtar-sáýir aılaryndaǵy 3,9%-ben salystyrǵanda). Eń aıqyn ósim Atyraý oblysynda (+10,4%), Soltústik Qazaqstan oblysynda (+7,5%) jáne Aqmola oblysynda (+6,5%) tirkeldi, bul negizinen mal men qus soıymynyń artýy esebinen boldy. Túrkistan oblysynda ósim 6,3%-dy, Abaı oblysynda – 3,6%-dy, al Qostanaı oblysynda – 4,8%-dy qurady.

Qurylys salasy qarqyndy damyp keledi, 15,4%-ǵa ósti. On segiz óńirde ósim tirkeldi, al Mańǵystaý oblysynda mektepter, tuşytqysh zaýyt, munaı jáne sý qubyrlaryn qaıta jańartý, aýdandyq aýrýhana jáne avtojoldardy jóndeý sııaqty aýqymdy jobalardyń arqasynda jumys kólemi eki esege artty. Qyzylorda oblysynda ósim 64,5%-dy, Qostanaıda – 57,8%-dy, Astanada – 51,8%-dy, Túrkistan oblysynda – 46,6%-dy qurady. Turǵyn úı qurylysy da qarqyn alyp keledi: bes aıdyń ishinde 6 mln sharshy metrden astam turǵyn úı paıdalanýǵa berildi, bul byltyrmen salystyrǵanda 5,7%-ǵa kóp. Eń belsendi qurylys Túrkistan oblysynda (+25,5%), Shymkent qalasynda (+23,4%) jáne Almaty oblysynda (+20,4%) baıqaldy.

Negizgi kapıtalǵa salynǵan ınvestıtsııa18,2%-ǵa artty. Bul ósim kólik, óndiristik jáne áleýmettik ınfraqurylymǵa, sondaı-aq jabdyqtar men jańa ónerkásiptik nysandarǵa baǵyttalǵan qarjy salymdarynyń esebinen qamtamasyz etildi.

Saýda aınalymy 7,8%-ǵa artty (qańtar-sáýir aıynyń qorytyndysyndaǵy 7,0%-ben salystyrǵanda). Іshki saýda qurylymynda kóterme saýdanyń úlesi shamamen 68%-dy quraıdy. Aǵymdaǵy jyldyń qańtar-mamyr aılarynda kóterme saýda 8,3%-ǵa, bólshek saýda 6,5%-ǵa ósti.
Ósim qarqyny boıynsha Túrkistan oblysy (+66,2%), Aqmola oblysy (+48,9%) jáne Shymkent qalasy (+23,1%) aldyńǵy qatarda.

Baılanys jáne telekommýnıkatsııa salasy 2,8%-ǵa ósti. Bul Internet jelisi qyzmetteri esebinen (+13,9%).

Kólik salasy 23,1%-dyq ósim kórsetti — bul kóbinese júk temirjol kóliginiń (+17%) jáne qubyr arqyly tasymaldaýdyń ósýinebaılanysty (+13,8%). Eń joǵary ósim Jetisý oblysynda (+39,1%), Abaı oblysynda (+17,7%) jáne Aqtóbe oblysynda (+11,3%) tirkeldi.

Úkimet eldiń turaqty áleýmettik-ekonomıkalyq damýyn qamtamasyz etý jónindegi Prezıdenttiń tapsyrmalarynyń oryndalýyn jeke baqylaýda ustaýdy jalǵastyryp keledi.

Aıta keteıik, ICBC Qazaqstan ekonomıkasyna uzaqmerzimdi ınvestıtsııa salýǵa daıyn.