Bıylǵy baspana qurylysynyń jospary oryndala ma
ASTANA.KAZINFORM — 2026 jyldyń segiz aıynda 11 mln sharshy metrden astam turǵyn úı salyndy. Bul týraly Ónerkásip jáne qurylys mınıstrligi málim etti.
- Osy jyly 20,4 mln sharshy metr turǵyn úıdi nemese 188 myń páter paıdalanýǵa berý josparlanǵan. Aldyn ala statıstıkalyq derekterge sáıkes, 8 aıdyń qorytyndysy boıynsha 11,3 mln sharshy metr turǵyn úı nemese 105,9 myń páter paıdalanýǵa berildi, bul jyldyq jospardyń 55,3%-yn qurady, - delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, bıyl 155 mlrd teńge kóleminde kredıttik turǵyn úı boıynsha 12,6 myń páterdi salý jáne satyp alý, sondaı-aq 269 mlrd teńge somasynda 13,5 myń páterdi jalǵa beriletin turǵyn úı retinde satyp alý josparlanǵan.
- 87 mlrd teńge somasyna 2-5% mólsherlememen 6,2 myń qaryz jáne «Naýryz» baǵdarlamasy boıynsha 350 mlrd teńge somasyna 11,9 myń qaryz berildi, - dep naqtylady Qurylys mınıstrligi.
Buǵan deıin salynyp jatqan úıden páter almas buryn aldymen neni mindetti túrde tekserý kerek ekenin jazǵan edik.
